Co descanso da Liga, as Guerreiras Laranxas cambian o chip e xa pensan só no torneo do KO. As de Burela queren seguir dando pasos para revalidar o título da Copa de SM A Raíña. O Leganés Masdeporte preséntase como o escollo cara á final four do Pescados Rubén Burela FS este sábado, ás 19.15 horas (pavillón La Fortuna), como rival de cuartos.
O conxunto de Julio Delgado e Lucas recupera efectivos para a cita, co regreso da máxica Cilene e da pichichi mariñá, Peque. “É unha competición que hai que gañar e para iso temos que pasar esta eliminatoria, para pelexar por todo na final four”, recoñecía así a 7 laranxa a súa ilusión neste periplo que se decidirá o 9-10 de maio.
Peque, xogadora do Burela: “É unha competición que hai que gañar e para iso temos que pasar esta eliminatoria, para pelexar por todo na final four”.
A pívot aposta por ter concentración plena para referendar o traballo burelista: “Realizamos unha boa semana de adestramentos, estudando o rival. Se amosamos claridade de ideas o pase é noso, pero tamén imos tendo moi en conta que o ano pasado foi unha pista que nos custou moito e non podemos relaxarnos. Sabemos que vai ser unha cita moi difícil. O Leganés terá unha motivación máxima ante esta oportunidade” advertía a madrileña do conxunto que pelexa por afastase da zona de perigo da liga, na duodécima praza, con 15 puntos.
Peque, xogadora do Burela: “Se amosamos claridade de ideas o pase é noso, pero tamén imos tendo moi en conta que o ano pasado foi unha pista que nos custou moito e non podemos relaxarnos”.
Outros enfrontamentos
Peque tamén falou dos outros candidatos da fase final: “Será unha fin de semana de partidazos. Poio e Roldán son moi guerreiros, o partido vaise decidir con dúas grandes porteiras. O derbi Alcorcón-Futsi xa é todo un clásico; será a guerra. E para rematar, Zaragoza-Universidad de Alicante pode parecer o encontro máis frouxo, pero Zaragoza é moi forte na casa e vai poñer as cousas moi complicadas”.
Peque, xogadora do Burela: “Será unha fin de semana de partidazos. Poio e Roldán son moi guerreiros, o partido vaise decidir con dúas grandes porteiras”.
O equipo realizará a última sesión mañá en Vista Alegre, ás 11.00 horas, e poñerá rumbo o sábado pola mañá cara a La Fortuna.
https://twitter.com/burelafs/status/1225468875862618113
O resto da xornada da Copa da Raíña
Sábado 8 de febreiro
Poio Pescamar FS -Roldán STV, Pavillón Municipal de Poio, 18:30 horas
Leganés FS-Pescados Rubén Burela FS, Pavillón La Fortuna, 19:15 horas
A.D. Alcorcón F.S.–Futsi Atlético Navalcarnero, Pab. Mun. Los Cantos,19:30 horas
Domingo 9 de febreiro
A.D. Sala Zaragoza F.S.–Universidad de Alicante, Pab. Mun. La Granja, 12:00 horas
Regreso de liga tamén en Leganés. A competición regular regresará o sábado 15, con novo desprazamentos das mariñás a Leganés (19.15 horas).
