O Pescados Rubén Burela demostrou a súa superioridade e a diferenza de categoría logo de gañar en oitavos da Copa da Raíña ao Viaxes Amaralle por 0-6. A sorte non estivo do lado das herculinas e un gol temperán en propia meta de Patri Romaní e a expulsión de Tami tras o descanso, marcaron o partido e inclinou a balanza do lado das lucenses.
O derbi galego comezaba co intento de dominio de xogo por parte de Burela e tentando demostrar a diferenza de categoría. Pero as coruñesas saltaron á cancha do Pavillón da Sagrada Familia dispostas a plantarlle cara ás lucenses. Xogaron concentradas, seguras atrás e apostando polos contragolpes como baza diante da meta rival.
Co paso dos minutos, as de Julio Delgado foron asentándose no partido, ante un Viaxes Amarelle ben posicionado atrás e que buscaba crear moito perigo á contra. O líder da Segunda División non perdou a cara o partido e puxo por momento en apuros a portería de Ana Romero.
O curso dos minutos non variaba o guión do encontro, onde se atopaba máis cómodo o combinado coruñés. Con esta tónica, o partido chegaba ao descanso cunha mínima renda a favor do Burela, que non convertía o seu dominio nunha maior renda no luminoso buscando o xogo de cinco no tramo final.
Resultado avultado pola expulsión de Tami
O Amarelle seguía o plan inicial de Jorge Basanta, estar replegadas e buscar o perigo nos contraataques. A pesar das contras lanzadas polas locais, as pupilas de Delgado, puxeron o 0-2 no luminoso tras un potente remate desde fóra da área de Ale de Paz .
Cristina Pérez con dous goles consecutivos, o primeiro tras interceptar un saque de Tami, e o segundo aproveitando a superioridade numérica acababa por desequilibrar por completo a eliminatoria, máxime cando pouco despois Bea Mateos conseguía anotar o 0 a 5, que supoñía a sentenza para a escuadra herculina en escasos dous minutos de xogo.
Superada a medianía do período, Jenny Lores desde o bordo da área poñía o sexto gol lucense. Nos intres finais do encontro unhas e outras se deixaron levar e a eliminatoria non sufriu máis variacións. Set e partido para o Burela que pasa a cuartos de final da Copa da Raíña.
Pola contra, as herculinas terán que centrarse na competición ligueira. Tras este encontro da tempada, o Viaxes Amarelle FSF volverá aos adestramentos o vindeiro martes, para preparar o seguinte partido da competición regular de liga. Na que será a duodécima xornada, chegará un duelo directo contra un rival que aspira a meterse en postos de play- off, que se disputará na tarde do sábado 11 de xaneiro de 2020 ás 18:00 horas no pavillón do Complexo Deportivo de Elviña I (A Coruña) recibiendo al FSF Castro.
FICHA TÉCNICA
VIAXES AMARELLE: Tami; Patri Romaní, María Gómez, Irune e Patri Corral (quinteto inicial). Tamén xogaron, Inés, Zaida, Yaiza, Mónica e Sandra (segunda porteira).
PESCADOS RUBÉN BURELA: Ana Romero; Peque, Luci, Jenny e Ale de Paz (quinteto inicial). Tamén xogaron, Bea Mateos, Lara Balseiro, Jenny Lores, Cilene, Cristina e Jozi (segunda porteira).
GOLES:
0-1, min. 2 Patri Romaní (propia porta)
0-2, min. 21 Ale de Paz
0-3, min. 23 Cristina Pérez
0-4, min. 24 Cristina Pérez
0-5, min. 24 Bea Mateos
0-6, min. 31 Jenny Lores
COLEXIADOS: Martínez Torres e Roldán Pérez. Recibiron cartón amarelo Jenny e Cristina no Burela, e foi amonestadas con cartón amarelo Patri Corral do Amarelle. Foi expulsada Tami no Viaxes Amarelle (23’).
Pavillón Municipal Sagrada Familia. Preto de 200 espectadores.
