As Guerreiras laranxas volven ao terreo de xogo despois do parón cun partido fronte ao AD Sala Zaragoza ás 16:30 horas na Bombonera. Este partido da xornada seis da Primeira División Feminina de Fútbol Sala da RFEF abrirá unha programación especial de ata sete horas sobre o club Pescados Rubén Burela FS.
A brasileña Jozi admite que “o equipo regresa con moitas ganas de volver a competir”. O parón non é algo ao que acostumen as xogadoras do equipo da Mariña, pero o aproveitaron “para recuperarnos non só fisicamente, senon tamén mentalmente da competición e a situación unida á tempada deste ano”, reflexionou a gardameta.
Un Sala Zaragoza forte nas transicións e coas pívots
A xogadora tamén fixo unha valoración do rival, que define como “con experiencia, un conxunto rápido en transicións, con xogo forte de pívot. Vai ser unha cita moi disputada”. Porén, Jozi confía no seu equipo, sobre todo tras lograr que o rival marcase no último encontro. “Estamos traballando moi ben. Cando finalizamos un partido con portería a 0 é un indicativo máis de que o equipo traballou ben defensivamente e que tanto Sandra coma eu cumprimos”.
Jozi, futbolista do Pescados Rubén Burela: “O equipo regresa con moitas ganas de volver a competir”
Da súa compañeira na meta, a xogadora apuntou que “estamos coñecéndonos pero traballamos ben xuntas. Sandra ten moitas ganas de aprender e de crecer e eu, aínda que teña máis experiencia, tamén aprendo moito da súa forma de ser, de como é en portería e da súa ilusión”.
No relativo ao estreo do Burela FS TV, Jozi recoñece que “será unha Tarde Laranxa diferente. Este tipo de xornadas vívese con moita ilusión, con partidos feminino e masculino. Sen a nosa afección será diferente, botamos moitísimo de menos o calor do público, pero sabemos que están aí. O que queremos é cumprir cos nosos partidos, que sexa unha Tarde Laranxa de vitorias e que a xente na súa casa poida desfrutar con nós. Sabemos que están aí enviando enerxía positiva”, agradecía a brasileña.
Convocatoria do Burela
Julio Delgado contará para esta xornada de Liga, que retransmitirase nesta ligazón, coas seguintes xogadoras:
- 1. Jozi Oliveira
- 3. Dany
- 4. Sandra Buzón
- 5. Cristina
- 6. Cilene
- 7. Peque
- 8. Cami
- 9. Jenny
- 10. Lara Balseiro
- 14. Bea Mateos
- 17. Ale de Paz
- 19. Elena Aragón
- 21. M. Cortés