Os dous conxuntos galegos xa coñecen cales serán os seus rivais no torneo do KO. A sede da RFEF albergou este venres o sorteo dos cuartos de final da Copa da Raíña de Fútbol Sala, unha competición na que seguen con vida dous equipos galegos: o Poio Pescamar e o Pescados Rubén Burela.
Esta eliminatoria de cuartos de final será a partido único e os encontros disputaranse os días 8 ou 9 de febreiro nas instalacións dos clubs de menor categoría e, se fosen da mesma, nas dos equipos con menor coeficiente da liga regular da tempada 2018/2019.
Os vencedores dos catro emparellamentos enfrontaranse a fin de semana do 9 e 10 de maio de 2020 na primeira Final Four da historia da Copa da Raíña de Fútbol Sala.
O resultado do sorteo foi o seguinte:
| PARTIDOS | DÍA |
| Leganés FS – Pescados Rubén Burela | 8 ou 9 de febreiro |
| Poio Pescamar – Roldán Futsal Femenino | 8 ou 9 de febreiro |
| AD Sala Zaragoza – Universidad de Alicante | 8 ou 9 de febreiro |
| AD Alcorcón FS – CD Futsi Atlético Navalcarnero | 8 ou 9 de febreiro |
Oitavos de final
Na rolda de oitavos de final o Poio Pescamar superou ao Ourense Envialia por 3-1, mentres que o Pescados Rubén Burela derrotou a domicilio ao Viaxes Amarelle por 6-1.
