A final da Copa da Raíña de fútbol sala está cada vez máis preto, pero para saber que dous equipos disputarán o último duelo, primeiro tense que resolver o final four. Nel dous galegos, o Pescados Rubén Burela e Poio Pescamar FS, loitarán por un posto na final contra o AD Alcorcón e o Universidad de Alicante respectivamente. Málaga volve a ser o escenario do mellor fútbol sala de España xa que, tras acoller a edición pasada da Copa de España e os playoff polo título, desta vez os partidos terán lugar no Martín Carpena, o 18 de decembro.
O Burela repite escenario e rival do pasado 28 de xuño, cando as Guerreiras Laranxas acadaron o título do curso 2019-2020. Así, defendendo o título, o conxunto da Mariña inaugura a fase final ás 14:00 horas, fronte ao subcampión de Primeira División de Fútbol Sala.
O adestrador, Julio Delgado, móstrase emocionado ante a próxima cita. “Esperamos esta final four con moita ilusión. Coa situación que estamos a vivir temos que aproveitar esta oportunidade que se nos presenta, poder gozar da loita por un título”, confesaba o técnico.
Julio Delgado, adestrador do Burela: “Coa situación que estamos a vivir temos que aproveitar esta oportunidade que se nos presentar, poder gozar da loita por un título”
No relativo ao rival, Delgado comentou que “volvemos vernos os finalistas de Liga. Sabiamos que calquera ía ser un rival difícil. Temos que poñelo todo e preparalo ao máximo para poder estar na final”.
Las #GuerreirasLaranxas, que jugarán como locales, ya conocen rival para la semifinal de la #CopaDeLaReinaFutsal, el @ADAlcorconFSF
Viernes de diciembre
⏰ 14.00 horas
️ Martín Carpena – Málaga
@teledeporte #Burela #Futsal @SomosFutsal #FutsalHeart pic.twitter.com/xh9jcU0crP— Pescados Rubén Burela FS (@burelafs) December 1, 2020
Dúas horas máis tarde será o turno do Poio, que por primeira vez opta á loita do que sería o seu primeiro título oficial de categoría nacional. As galegas enfrontaranse ao actual cuarto clasificado do Grupo B, o Universidad de Alicante.
A fase final deste torneo, que abrangue do 18 ao 20 de decembro e por primeira vez se celebra de forma conxunta coa Copa del Rey, retransmitirase por Teledeporte. A final do campionato feminino será o domingo ás 12:00 horas.
🔴 #CopaDeLaReinaFutSal | ¡¡¡YA TENEMOS EL CUADRO FEMENINO!!! Estas son las semifinales de la Fase Final a cuatro que se disputará en Málaga.
⚽️ @burelafs 🆚 @ADAlcorconFSF
⚽️ @PoioPescamarfs 🆚 @UAfutsafemenino #SomosFutSal #SorteoCopaFutSal pic.twitter.com/t3fWhLFbJi
— RFEF (@rfef) December 1, 2020
