Mañá terá lugar o sorteo que emparellará ao oito equipos que superaron os oitavos da Copa da Raíña. O Poio Pescamar e o Pescados Rubén Burela serán os únicos representantes galegos nos encontros que terán lugar os días 8 e 9 de febreiro.
A sede da Real Federación Española de Fútbol acollerá o vindeiro venres, 10 de xaneiro, ás 12:00 horas, o sorteo de cuartos de final da Copa de SM a Raíña de fútbol Sala. Os oito equipos que superaron a eliminatoria de oitavos foron: Poio Pescamar, Pescados Rubén Burela, AD Alcorcón FS, CD Futsi Atlético Navalcarnero, Leganés FS, AD Sala Zaragoza, Universidade de Alacante e Roldán Futsal Feminino.
A eliminatoria de cuartos de final será a partido único e os encontros disputaranse os días 8 e 9 de febreiro nas instalacións dos clubs de menor categoría e, se fosen da mesma, nas dos equipos con menor coeficiente da liga regular da tempada 2018/2019.
Os vencedores dos catro emparellamentos que sairán do sorteo deste venres enfrontaranse a fin de semana do 9 e 10 de maio de 2020 na primeira Final Four da historia da Copa da Raíña de Fútbol Sala.
Ourense e Amarelle non puideron pasar de oitavos
Na rolda de oitavos de final o Poio Pescamar superou ao Ourense Envialia, mentres que o Burela Pescados Rubén derrotou a domicilio ao Viaxes Amarelle.
