A Copa da Raíña de futsal deste 2021 entra xa na súa Fase Final e nela participarán dous equipos galegos. Un deles é o Pescados Rubén Burela FS, vixente campión da competición, e o outro será o Ourense Envialia, que pasou de eliminatoria tras vencer ás subcampioas, o Poio Pescamar.
Nestes cuartos de final participarán oito equipos da Primeira División de Fútbol Sala, a máxima categoría desta disciplina deportiva a nivel nacional. Esta rolda celebrarase a partido único, e nela competirán, ademais dos dous galegos:
- Penya Esplugues
- Interesala Promesas
- Torreblanca Melilla CF
- Universidad de Alicante
- Futsi Atlético Navalcarnero
- AD Alcorcón FSF
Esta Fase Final da Copa, que abrangue desde cuartos ata a propia final, disputarase nunha sede única entre o 30 de abril e o 2 de maio.
O Burela revalida o título de campión da Copa da Raíña de Fútbol Sala
