O Viaxes Amarelle FSF visita a un Pescados Rubén Burela FS, recentemente proclamado campión de Copa de SM A Raíña, nun novo derbi galego. Haberá un acto previo ao partido no que se fará o clásico pasillo durante o Fairplay ás gañadoras da Copa da Raíña e posteriormente a ofrenda da Copa á afección.
O conxunto do Viaxes Amarelle FSF volve á competición, tras o parón da pasada fin de semana pola disputa da fase final da Copa de SM A Raíña FS. Xustamente o rival das herculinas nesta xornada de Liga é o que vén de proclamarse campión da citada competición.
O conxunto coruñés visita Vista Alegre para medir forzas na tarde deste sábado 6 de maio de 2023, a partir das 20:30 horas, co Pescados Rubén Burela FS.
As futbolistas que adestra Jorge Basanta non pararon de adestrar durante estas dúas últimas semanas preparando este importante tramo final de competición; onde as herculinas terán que loitar por asegurar a permanencia na Primeira Federación Futsal Feminina.
O técnico do club herculino, Jorge Basanta, convocou para este novo duelo na competición da regularidade, ás porteiras Leti Vermello e Nerea Ramallo, así como ás xogadoras de pista, Cris Lourés, Carol Agulla, Clàudia Lobo, *Èlia Gullí, María Gómez, Lau Doce, Tety, Carlita, Marta Hermo, Laura Rivas e Estela Cantero.
Obxectivos dispares para Burela e Amarelle
O rival que estará enfronte para o conxunto herculino, é un Pescados Rubén Burela FS que actualmente ocupa a terceira posición da xeral con 63 puntos, colleitados tras 20 vitorias, 3 empates e 3 derrotas, nos veintiseis encontros que disputaron ata a data.
As futbolistas que adestra Julio Delgado suman 140 goles a favor, e encaixaron 51 tantos en contra. O conxunto da Mariña é o máximo goleador da competición nacional; e a pesar de estar na terceira posición da xeral, xa ten confirmada a súa participación no play-off polo título de liga, e a pasada fin de semana coroouse como campión da Copa de SM A Raíña. Nada que ver os obxectivos das coruñesas do Viaxes Amarelle FSF nesta recta final da Primera División do FutSalFem da RFEF.
Na presente tempada, coruñesas e lucenses enfrontáronse ata en tres ocasiones, e as herculinas sempre lle disputaron todos os partidos ao conxunto da mariña lucense; pero a vitoria sempre foi do equipo dirixido por Julio Delgado.
Na pretemporada, os dous equipos dirimiron dous duelos, onde o Pescados Rubén Burela FS impúxose por marcadores de 2-0 e 2-4; e no partido de competición regular, as herculinas apuraron as súas opcións de puntuar ata o tramo final do partido, onde o Pescados Rubén Burela FS tivera que arriscar co xogo de cinco para terminar levándose o partido por un exiguo 2-3, con gol a falta de 40 segundos do final.
O conxunto herculino saltará á cancha coa intención de puntuar e poder buscar unha sorpresa na cancha dun rival que está afeito gañalo todo. Toca gozar sobre a cancha e pelexar polos puntos na tarde do sábado 6 de maio de 2023 no Pavillón Municipal de Vista Alegre (Burela).
Espérase un encontro disputado, o equipo coruñés atópase demasiado preto dos postos de descenso, perigo que comparte con varios equipos nunha final de tempada moi rifada para os últimos lugares da táboa.
Na previa deste partido, a futbolista do Burela Patricia falaba do Viaxes Amarelle FSF como un equipo moi novo que está tentando saír dos postos máis baixos da táboa, “creo que nos imos a atopar cun equipo moi peleón, que quere salvar a categoría e nós tampouco podemos dar pé, porque nos estamos xogando aínda eses postos de arriba polo play-off, que logo a longo prazo, o factor cancha sempre beneficia”, sobre o equipo “o equipo véxoo moi motivado despois destes tres partidos que xogamos, debemos seguir coa racha que levamos, encarar este final de tempada e loitar por seguir aí nos postos de arriba dos play-off“.
O encontro será emitido por streaming a través da plataforma da Real Federación Española de Fútbol, e xestionado por ao vivo vuvuzela; podendo seguir en directo o encontro a través da seguinte ligazón.
