As burelistas salvaron o primeiro obstáculo que tiñan ante si nesta III Copa de S. M A Raíña, foi na disputa dos oitavos de final deste torfeo no que se impuxeron por un marcador de 2-5 sobre o conxunto galego do Ence Marín Futsal, de Segunda División.
O Pescados Rubén Burela tivo que remar contra o marcador cunha diana en propia porta de Camila, en tentativa de despexe, no minuto 7. Con moito perigo nos seguintes compases, Cilene recuperou as táboas no minuto 16, tras disparo de saque directo.
Non conseguiron as Guerreiras Laranxas pórse por diante no marcador electrónico até a segunda metada cun gol de Cristina (1-2).
O Marín volve empatar
O Ence Marín Futsal volveu cobrar impulso co empate rozando o ecuador da segunda parte, nun un contra un de Café 2-2. Con todo, as mariñás reaccionaron sen contemplacións con dobre acerto de Camila que rachaba a igualdade no marcador e anotaba dous tantos en tan só un minuto. Deste xeito o Pescados Burela Rubén vía como o partido se lle puña de fronte ao distanciarse até un tanteo de 2-4.
A nedense Ale de Paz anotou o quinto (2-5) para ratificar a solvencia das campioas, que xa terán un novo reto en defensa do trono o sábado 9 de xaneiro, coa Supercopa de España en Burela ante o Poio Pescamar FSF (12.00 horas, Teledeporte).
FICHA TÉCNICA
ENCE MARÍN FUTSAL: Antía, Mar, Kun, Kiko e Café – quinteto inicial -. Tamén xogaron: Suki, Pau, María León e Inés.
PESCADOS RUBÉN BURELA FS: Sandra, Cilene, Cristina, Ale de Paz e M. Cortés – quinteto inicial -. Tamén xogaron: Peque, Dany, Lara Balseiro, Camila, Bea Mateos, Elena Aragón, Jane e Jozi
GOLES: 1-0, minuto 7, Camila ( p. p.), 1-1, minuto 16, Cilene; 1-2, minuto 26, Cristina; 2-2, minuto 29, Café; 2-3, minuto 30, Camila; 2-4, minuto 30, Camila; 2-5, minuto 34, Ale de Paz
ÁRBITROS: Daniel Dacal e Andrés Pinilla (Vigo). Amonestaron polo Ence Marín FutSal con cartón amarelo á futbolista Suki. E polo Pescados Rubén Burela viron o cartón amarelo Cristina e Dany. O partido puido seguirse pola canle de Twitter do Ence Marín Futsal.
