Case un mes despois, as Guerreiras Laranxas poderán reencontrarse coa Bancada Laranxa de Vista Alegre para poder brindar dúas novas conquistas, a Copa de S.M. A Raíña e a XIV Copa Galicia. Será o sábado, coa visita de STV Roldán FSF na penúltima xornada da fase 2, e como despedida da tempada en Vista Alegre e antes de pechar a liga na pista do Futsi, onde se decidirá a primeira e segunda praza para play-off. A cita, prevista para as 12.30 horas, poderá seguirse en directo por Burelafs.tv.
O despacho de billetes da Bomboneira abrirase ás 11.45 horas, con 50 entradas dispoñibles á venda (15 euros/público xeral e 10 eurossoci@ s sen abono. Imprescindible presentar DNI).
Segundo explicaba Bea Mateos: “Pasou moi rápido a tempada pero podemos volver á casa con dous novos títulos. Estamos felices con volver a Vista Alegre coa nosa afección”, confesaba unha das capitás burelistas. As xogadoras que adestra Julio Delgado fixeron toda unha ruta neste mes, encadeando a Copa da Raíña en Las Rozas, o partido de liga en Poio e a Copa Galicia de Narón. Agora, ao fin, volven á súa casa: Vista Alegre.
Xornada dobre do Burela en Vista Alegre
Por primeira vez en 2020-21, o fútbol sala de Primeira asolagará por partida dobre Vista Alegre, e tal e como indica Bea Mateos, todo a punta a que “será un gran día, unha gran festa do fútbol sala. Abrimos nós a xornada e pola tarde o masculino terá un partido moi importante. Oxalá poida conseguir os 3 puntos e que poida conseguir a permanencia”, facía así referencia á cita dos de Sito Rivera ante o Aspil Jumpers Ribera Navarra (18.30 horas), inmersos no maratón final por seguir na elite.
Rapidez e mocidade son as dúas grandes bazas dun STV Roldán FSF que a Bea Mateos lle gusta moito e que chega á comarca da Mariña defendendo a terceira praza: “Creo que teñen a necesidade de puntuar para defender o seu posto en busca do play-off. Nós xa estamos clasificadas pero queremos seguir con esta boa dinámica” advertía a 14 laranxa agradando un partido “moi bonito e moi competido”.
Na ida, o triunfo foi para as galegas por 3-5. “Iamos con baixas pero o equipo estivo ao cento por cento e conseguimos a vitoria. Oxalá poidamos repetilo” valoraba a salmantina.
A última sesión da semana será mañá, venres 21 de maio, ás 10.45 horas en Vista Alegre.
Convocatoria provisional Pescados Rubén Burela FS:
- 1. Jozi Oliveira
- 3. Dany
- 4. Sandra Buzón
- 7. Peque
- 10. Lara Balseiro
- 11. Jane
- 12. Luísa Mayara
- 14. Bea Mateos
- 17. Ale de Paz
- 19. Elena Aragón
- 21. M. Cortés
