A Real Federación Española de Fútbol xa ten sede para a Supercopa de España de Fútbol Sala. A final celebrarase no Palacio Municipal dos Deportes de Jerez de la Frontera e alí o Pescados Rubén Burela loitará por revalidar o seu título de campión.
As Guerreiras Laranxas disputarán o título co Futsi Atlético Navalcarnero. O duelo disputarase a última fin de semana do mes de febreiro.
O conxunto da Mariña, campión da Primeira RFEF Futsal Feminina e vencedor do Campionato de España/Copa de S.M. A Raíña, foi elixido ademais como o mellor equipo de fútbol sala do mundo nos premios FutsalPlanet.
Ademais, na localidade xerezana celebrará tamén a Supercopa Masculina de Fútbol sala 2022, que enfronta a Movistar Inter co ElPozo Murcia Costa Cálida.
