Confirmado. O técnico Julio Delgado regresa á que é a súa casa tras a decisión consensuada entre directiva e Lucas da non continuidade do adestrador co que Delgado fixera dupla durante anos.
Despois de tomarse un descanso e pasar unha etapa no Rodiles, club que facilitou a contratación do adestrador salamantino, “está preparado para continuar cos éxitos do Pescados Rubén Burela e afrontar de novo o desafío que se lle presenta”, din desde o club galego.
O técnico Julio Delgado “é o máis adecuado actualmente, pois vén apoiado pola súa gran experiencia como xogador da casa e como adestrador xa anteriormente do equipo das guerreiras, gañando todos os títulos posibles. Con el, o persoal foi nomeada mellor equipo do mundo e Julio Delgado foi galardoado como segundo mellor técnico do mundo nos premios FutsalPlanet“, explican desde o Pescados Rubén Burela confirmando o retorno do técnico a terras da Mariña.
O Pescados Rubén Burela vai acabar o seu último tramo de tempada con Julio Delgado como adestrador, quedando dous títulos pendentes e moi posibles de conquistar con traballo: a Liga na Primeira División do FSF da RFEF a Copa da Raíña. No club das Guerreiras Laranxas esperan que o regreso do técnico á Mariña lucense “o veña cargado de éxitos”.
O Pescados Rubén Burela recibe á AD Arriva Alcorcón FSF con cambio de técnico
