O Pescados Rubén Burela FS volve coarse, e con forza, nos FutsalPlanet Awards. Se na edición de 2020 as Guerreiras Laranxa foron as grandes vencedoras, no 2021 volve ter claras opcións de levar algún dos premios. Cinco son as candidaturas da Familia Laranxa nesta 22ª edición dos premios do portal especializado en fútbol sala. Hai que sumarlles o sexto para Galicia da man da porteira Silvia Aguete, outra que repite nominación.
A entidade burelista, recoñecida xa como Mellor Club Feminino en 2020, volverá optar ao recoñecemento. Tamén estará un ano máis a capitá laranxa, Peque, na categoría de Mellor Xogadora, nuns galardóns que tamén quixeron destacar o gran traballo de Jozi Oliveira, na lista de Mellor Porteira, aquí terá que competir con Silvia Aguete, antes no Poio Pescamar e agora no ENCE Marín Futsal
A estas tres candidaturas súmase a gran tempada de Emilly Marcondes en Torreblanca Melilla coa súa continuidade na Mariña, para compartir a lista das mellores con Peque, e o exitoso traballo á fronte das Guerreiras Laranxas de Julio Delgado, actualmente adestrador do Rodiles Sport asturiano, que está na lista de candidatos a mellor adestrador.
Parabéns 🧡#JulioDelgado @Jozi_Oli1 @burelafs @EmillyMarcondes e @pgmota7 👏👏 pic.twitter.com/G3wuClCh6K
— Lucía Rivas – Burela – Fotografía (@LuRivasFotos) January 10, 2022
Estas son as rivais do Burela no FutSalPlanet Awards
Os clubs rivais do Pescados Rubén Burela esta edición dos FutsalPlanet Awards son:
- Sport Lisboa e Benfica (POR)
- Città di Falconara (ITA)
- Associação Leoas da Serra (BRA)
- ZHMFK Normanochka (RUS)
- Palayesh Naft Abadan (IRN)
- Futsal Pescara Femminile* (ITA)
- Club Atlético San Lorenzo de Almagro (ARG)
Na lista de aspirantes a ser premiados está tamén a Selección Española de fútbol Sala, na que militan tamén futbolistas que xogan en Galicia ou son galegas. As vermellas compiten polo galardón cos combinados de Argentina, Finlandia, Hungría, Italia, Polonia, Portuga, Rusia e Suecia. Clàudia Pons é tamén candidata como mellor seleccionadora.
Consulta todas as candidaturas dos FutsalPlanet Awards para o fútbol sala feminino.
