O Pescados Rubén Burela FS segue loitando por ascender na clasificación da Primeira División do Fútbol Sala da RFEF, desta vez contra o actual líder, o Universidad de Alicante, con 6 puntos en 3 partidos, fronte aos 4 das galegas en 2 encontros. O partido, que será o debut ligueiro das Guerreiras en casa, terá lugar este sábado 7 ás 18:30 horas no Pabellón Vista Alegre.
Cun partido aínda por disputar ante o Intersala Promises, correspondente á segunda xornada o Burela, vixente campión, chega a este encontro contra o Universidad de Alicante confiando no seu xogo tras a victoria fronte ao Alcorcón no inicio da competición e o recente empate fronte ao Móstoles. No equipo rival estará a exburelista Ana Romero, a actual porteira do UA Fútbol Sala, que por primeira vez volve á pista na que competiu durante catro tempadas.
Vista Alegre sen público pero con streaming
A parte negativa é que, como se ven decidindo noutras competicións deportivas, este encontro terá que ser disputado a porta pechada polas restricións sanitarias. De todas formas, os afeccionados das Guerreiras Laranxas poderán seguir o partido a través do streaming da web do Burela e a afección socia poderá solicitar a devolución da cota correspondente ao encontro nas oficinas laranxas. Pola súa banda, todas as xogadoras do equipo galego superaron xa as probas de COVID-19 este xoves.
Leti M. Cortés, futbolista do Pescandos Rubén Burela: “Xogar en Vista Alegre sempre é especial. Desgraciadamente esta fin de semana non poderemos estar arroupadas polo público debido á pandemia, pero sabemos que vai estar animándonos desde a casa, seguindo o partido a través da canle do club. Esperamos darlles unha alegría cos tres puntos”
As Guerreiras Laranxas voltan a casa
“Xogar en Vista Alegre sempre é especial; xa puidemos gozalo este ano contra Viaxes Amarelle en Copa Galicia. Desgraciadamente esta fin de semana non poderemos estar arroupadas polo público debido á pandemia, pero sabemos que vai estar animándonos desde a casa, seguindo o partido a través da canle Twitch do club. Esperamos darlles unha alegría cos tres puntos”, explicaba unha das caras novas desta tempada do Burela, Leti M. Cortés.
Ao respecto do seu estado físico, a 21 burelista apuntaba que estase atopando “moi ben fisicamente, beneficioume a pretempada de dous meses. Aínda me queda para inserirme ao cento por cento no sistema do míster, pero aos poucos, con traballo, conseguireino para dar moitas alegrías a este club”.
Leti M. Cortés, futbolista do Pescandos Rubén Burela: “Estou atopándome moi ben fisicamente, beneficioume a pretempada de dous meses. Aínda me queda para inserirme ao 100% no sistema do míster”
Leti M. Cortés espera un enfrontamento digno dos grandes duelos: “UA é un rival complicado, leva bastantes anos co mesmo bloque, enténdense á perfección. Co recente cambio no banco pode haber cambios, pero son moi fortes fisicamente, moi rápidas e moi competitivas. Sabemos que vai ser moi difícil, sen dúbida”, advertía a ala-peche salmantina do equipo da ex das laranxas Ana Romero.
Leti M. Cortés, futbolista do Pescandos Rubén Burela: “UA é un rival complicado, leva bastantes anos co mesmo bloque, enténdense á perfección”
Por parte das galegas, volverán estar dispoñibles para esta cita Cristina e Jenny, que non puideron participar ante Móstoles por motivos familiares e por unha escordadura de nocello, respectivamente. Entre as Guerreiras Laranxas, á baixa de Cely, súmase Cami, por unha contusión na coxa esquerda durante o encontro de Villafontana o sábado.
CONVOCATORIAS
Pescados Rubén Burela FS:
1. Jozi Oliveira, 3. Dany, 4. Sandra Buzón, 5. Cristina, 6. Cilene, 7. Peque, 9. Jenny, 10. Lara Balseiro, 14. Bea Mateos, 17. Ale de Paz, 19. Elena Aragón, 21. M. Cortés
UA Alicante:
1. Elena, 4. Anita, 6. Miriam, 7. Elenita, 8. Raquel, 9. Sara, 10. Pao, 11. Melli, 12. Ana Romero, 13. Lara, 14. Ángela, 18. Rocío
