A xornada 14 da Primeira División do Fútbol Sala Feminino da RFEF preséntase esperanzadora para os equipos galegos. Todos, Pescados Rubén Burela, Poio Pescamar, Ence Marín Futsal e Ourense Envialia teñen posibilidades certas de poder subir na táboa clasificatoria.
Para empezar o Pescados Rubén Burela podería pórse líder, e o Poio Pescamar subir un posto na táboa e colocarse terceiro. A boa traxectoria de ambas as dúas escuadras, o calendario e o feito de que os partidos de Atlético Navalcarnero (actual líder) e FSF Móstoles (terceiras) teñan que ser adiados, pon en bandexa aos dous clubs galegos esa posibilidade.
Estos son os cruces da xornada 14ª na Primeira División do Fútbol Sala Feminino da Real Federación Española de Fútbo (RFEF). Todos os partidos xóganse na tarde de mañá, sábado 22 de xaneiro de 2022, pero a diferentes horas. Velaí a relación de cruces e horarios:
- 17:00 ENCE Marín FutSal – Universidad de Alicante
- 18:00 Joventut d’Elx FS – Poio Pescamar
- 18:30 Sala Zaragoza – Ourense Envialia
- 18:30 Pescados Rubén Burela FS – CD Leganés
- 18:30 Atlético Torcal – STV Roldán FS
- 20:00 Rayo Majadahonda AFAR 4 FSF – AE Penya Esplugues
Partidos adiados:
- FSF Móstoles – Melilla Sport Capital Torreblanca FS
- Arriva AD Alcorcón FSF – Atlético Navalcarnero
Actualmente comanda a clasificación como líderes o conxunto do Atlético Navalcarnero que non coñece a derrota, suma 33 puntos, 66 goles a favor e so 18 en contra. As madrileñas son o equipo máis goleador e o segundo menos goleado. O club que menos goles encaixou polo de agora é precisamente o Pescados Rubén Burela que e segundo con so un punto menos (32), 10 partidos gañados e 2 empatados, polo que seguen invictas. As deportistas da Mariña so encaixaron 9 goles, polo que son, como apuntabamos antes, o equipo menos goleado. Son as segundas máis goleadoras con 40 goles, os mesmos que o Poio Pescamar.
Esta fin de semana, o Pescados Rubén Burela recibe na Mariña ao CD Leganés que ten 12 puntos e están 12º na táboa. A xornada por ter adiado o partido do líder, pode servirlle ao mellor equipo do mundo (elixido como tal esta mesma semana por segundo ano consecutivo segundo os premios de Futsalplanet) a colocarse á fronte da Primeira División do Fútbol Sala Feminino da RFEF.
Non so o Burela, todos os equipos galegos teñen chance para subir postos
Esta é tamén unha fin de semana que pode servir as deportistas que adestra Manu Cossío para escalar na clasificación. Agora mesmo son cuartas con 21 puntos, pero o Móstoles FSF, que é terceiro, ten 22 e non poderá xogar por verse adiado o seu choque co Melilla Sport Capital Torreblanca FS. O Poio Pescamar ten como rival as colistas que a tal hora aínda non teñen gañado un partido. 20 goles en contra en 44 a favor.
Seguindo cos compromisos dos equipos galegos desta categoríao o ENCE Marín Futsal, que é oitavo, mídese ao sexto, o Universidad de Alicante, co que está empatado a 19 puntos. Así que tamén pode subir na táboa e achegarse aos catro primeiros postos, tan desexados.
Pola súa parte o Ourense Envialia, que é noveno, viaxa a terras mañas a enfrontarse ao Sala Zaragoza que son undécimas e teñen 4 puntos menos ca elas. De gañar, o equipo ourensá que está nunha zona moi parella da táboa, podería subir incluso ata a zona máis nobre da clasificación.
📢⚽ #enviJornada
🏆🥇1DIV // J.14
📅 22/01
⏰ 18:30H
⚽ @SalaZaragoza 🆚 OURENSE ENVIALIA FSF
📺 @live_vuvuzela @SomosFutsal📍#zaragoza
🏟 PAB. SIGLO XXIDiseño: @BeaSeijasDiseno
🧡🚀 #imosOlio#ourensEnvialia #aForzaDoLobo #oNosoValor #libresParaSer #ubuntu #fsf pic.twitter.com/DDXyUKR2BJ
— Ourense Envialia FSF (@OUenvialiaFSF) January 21, 2022
PARTIDO DE LIGA
Este fin de semana vuelve la liga al “Pabellón de A Raña”
Compra aquí tus entradas
⬇️https://t.co/LvXJhBygTQ pic.twitter.com/pDE5mxDtie— Marín Futsal (@marin_futsal) January 19, 2022