Ao longo de mañá, sábado 12 de outubro, os cinco equipos galegos da Primera División RFEF FutSalFem disputarán os seus respectivos partidos. Abrirá o xogo o Pescados Rubén Burela que xoga na mañá e pechará a xornada sabatina o ENCE Marín Futsal, polo medio xogará o Poio Pescamar e disputarán un derbi galego o Viaxes Amarelle e o Ourense Envialia.
Mañá sábado 12 de novembro o Pavillón Vista Alegre de Burela acolle pola mañá, ás 11.30 horas o encontro de 8ª Xornada de Primera División Feminina de Futbol Sala, entre o CD Burela FS – Arriva AD. Alcorcón FSF. O partido, como todos os da máxima categoría do FutSalFem estatal, será retransmitido por Live Vuvuzela.
Ver esta publicación en Instagram
O Pescados Rubén Burela, segundo clasificado e invicto, recibe ao Arriva AD Alcorcón que gañou 2 partidos, perdeu 3 e empatou outros 2. As madrileñas ocupan a novena praza da táboa.
Na previa deste encontro, Cilene vaticinaba un partido complicado contra un rival que “non nos vai poñer as cousas doadas”. Con todo, a futbolista do Burela confiaba no equipo e explicaba que o bloque de futbolistas galegas vén “dunha boa serie e imos estar preparadas”.
Ver esta publicación en Instagram
Derbi galego do futsal Coruña-Ourense
O derbi galego entre Viaxes Amarelle e Ourense Envialia é o seguinte cruce a disputarse nesta oitava xornada para os equipos da nosa comunidade. O Pavillón da Sagrada Familia da Coruña será o escenario ás 18:00 horas dun cruce no que as herculinas aspiran a acadar a súa primeira vitoria na casa.
Dous punto separan na táboa a coruñesas e ourensás polo que este partido decidirá como quedan na clasificación estes dous equipos galegos. Agora o Viaxes Amarelle é décimo e o Ourense Envialia é undécimo.
O Poio Pescamar recibe ao Rayo Majadahonda
Media hora máis tarde, ás 18:30 horas, o Poio Pescamar recibirá ao Rayo Majadahonda AFAR 4 FSF. O conxunto conserveiro é terceiro. As galegas so perderon un partido e gañaron os outros seis que levan xogados. Pola súa banda o Rayo Majadahonda AFAR 4 FSF é 12º na clasificación gañou 2 perdou 3 e empatou 2.
Ver esta publicación en Instagram
O Marín visita ao pecha cancelas
O último equipo galego en xogar nesta oitava xornada será o ENCE Marín FutSal que viaxa a medirse ao Clínica Blasco – Visitelche. O partido está fixado para as 18:45 horas. O ENCE Marín Futsal é oitavo con 2 partidos gañados, 2 empatados e 3 perdidos. As súas rivais son o pechacancelas. Dos sete partidos que levan xogados, gañaron un e perderon o resto.
Na xornada anterior, a sétima, as de Marín caían derrotadas no derbi galego da xornada por 1-5 ante un intratable Pescados Rubén Burela FS. O seu rival, o Clínica Blasco – Visitelche era goledado 7-2 polo Melilla Sport Capital Torreblanca F.S. que adestra o galegoMorenín.
