Dous triunfos, unha derrota e un empate foron os resultados colleitados polas representantes galegas na Primeira División do Fútbol Sala da RFEF. Gañou o Pescados Rubén Burela (1-3) ao Rayo Majadahonda AFAR 4 FSF, tamén o Marín Futsal (2-1) ao conxunto do Arriva AD Alcorcón FSF, empatou o Poio Pescamar (2-2) na pista do Melilla Sport Capital Torreblanca FS, e perdeu o Ourense Envialia que acudía a xogar á cancha do Futsi Atlético Navalcarnero (8-4).
Aínda que gañou por 1-3, non lle foi doado ao Pescados Rubén Burela imporse ao Rayo Majadahonda en La Granadilla. Abriu o marcador Glori para as locais (1-0) aos cinco minutos de xogo. Un minuto tardou o Pescados Rubén Burela en devolver as táboas ao marcador cun tanto de Bea (1-1). Antes de cumplirse o cuarto de hora de xogo, Peque adiantaba as galegas (1-2). No banco do Rayo Majadahonda pedían tempo morto para recompoñer filas e recuperar o seu xogo. Co 1-2 chegouse ao descanso.
O 1-3 definitivo puxoo Dany aos 24 minutos de partido. Non baixaron os brazos ‘Las Majas’, e incluso optouse polo xogo de cinco nos catro minutos finais, sen éxito pero con tesón.
🟢⚽️ Final de la Jornada 9⃣
La victoria vuelve a ser naranja@RMajadahondaFS 1-3 @burelafs📸 Majadahonda#Burela #Futsal #SomosFutsal pic.twitter.com/cDHjzojA4B
— Pescados Rubén Burela FS (@burelafs) November 27, 2021
O Marín Futsal mantense sólido
Unha auténtica alegría o xogo do Marín Futsal na súa tempada debut na elite estatal. Logo da disputa desta novena xornada achégase á zona noble a costa do Alcorcón que descense ao cuarto lugar tras caer derrotado coas galegas que adestra Raúl Jiménez.
O conxunto galego vencía na Raña por 2-1 nun partido difícil e moi disputado ante a AD Alcorcón. Empezaron as galegas moi fortes con claras chegadas á área rival. Non houbo sorte e as visitantes foron recompoñéndose e plantándolles cara. Así e todo, o primeiro gol foi das de Marín. Anotouno Ceci no minuto 10 de xogo un pepinazo desde lonxe aproveitando un erro do conxunto rival (1-0).
O empate marcouno no minuto 13 Tania (1-1) superando a Silvia Aguete. No segundo tempo o partido contou con ocasións dos dous bandos. Pero foi María León que marcou o 2-1 para o Marín Futsal no minuto 24.
RESULTADO. ESTADÍSTICAS | 🐥⚽
El primer equipo pierde (2-1) en su visita a @marin_futsal
Os dejamos las estadísticas 📈📉#CorazónAmarillo pic.twitter.com/KtRJ6Ifm6I
— A.D. Alcorcón F.S.F. (@ADAlcorconFSF) November 27, 2021
Con este resultado o Arriva AD Alcorcón FSF queda na cuarta praza (17 puntos) e o Marín Futsal na quinta (13 puntos) moi preto de dar o salto á zona nobre da táboa no ano da súa estrea na elite. Bravas!
Empate sobre a bucina para o Poio Pescamar
As táboas do Poio Pescamar foron unha mágoa xa que o seu rival, o Melilla Sport Capital Torreblanca FS empatoulles o partido a falta de 30 segundos para o final do partido. O técnico local apostou polo xogo de cinco e Guti igualou o partido deixando as galegas a un paso do triunfo como visitantes.
O Poio Pescamar dominou sobre todo a segunda parte do encontro e no arranque e aguantou a presión do Melilla. É certo que foron as futbolistas dos Torreblanca FS as primeiras en marcar (Bía no minuto 16 de partido), pero as galegas déronlle á volta ao marcador con goles de Luci (min. 32) e Jane (min. 37). Logo viría o gol de Guti case sobre a bucina.
Manu Cossío: “O resultado é o que é e temos que quedar co positivo”
O adestrador do Poio Pescamar, Manu Cossío, declaraba tras o partido que puidose ver “un gran partido de fútbol sala. O Melilla ten un equipazo. Nós tivemos semanas complicadas á hora de adestrar. Viñamos con baixas, con xogadoras tocadas, cunha porteira que debuta en Primeira División e que estivo excepcional”, dixo en referencia a Lucía Paz. “Creo que o deron todo emáis. Foi un partido de alternativas. O Melilla tivo as súas e nós na segunda parte estivemos moi ben en todas as facetas do xogo”, sinalaba o adestrador do equipo galego.
No repaso ao partido Manu Cossío explicaba que no final do encontro “nun 5 para 4 das últimas xogadas, nunha segunda acción na que non estivemos ben por que quedámonos todas paradas ao rechace, metéronnos o empate”.
Con todo, o adestrador do conxunto galego manifestaba estar “contento coa actitude. Este é camiño que temos que ter, independemente de se somos máis ou menos xogadoras, este é o camiño. Temos que mellorar cousas pero estou satisfeito pola actitude”.
🎙️ Declaraciones Manu Cossío, entrenador @PoioPescamarfs pic.twitter.com/sqQm9FPAUs
— MSCTorreblancaFS (@TorreblancaFS1) November 27, 2021
Para o técnico do Poio Pescamar houbo unha metade para cada conxunto sobre a pista melillense. Apuntaba neste sentido: “Coido que houbo unha parte para cada equipo. O Melilla na primeira parte meteounos a trás. É certo que era o plan de partido estar coa defensa máis baixa polas ausencias que tiñamos. Na segunda parte xa tivemos a defensa máis alta, provocamos erros. En situacións de balón parado defensivo, que elas o xogan moi ben, estivemos ben. Incluso cambiando a defensa en zona por individual por momentos. O resultado é o que é temos que quedar co positivo”.
O Futsi arrolla ao Ourense Envialia nos primeiros 5 minutos
Que o Atlético Navalcarnero é un rival case insuperable sábeo toda a categoría. As madrileñas non coñecen a derrota pero con todo, o Ourense Envialia acudía a medirse co Futsi disposto a plantalle cara. Fallou o arranque. O equipo local non deu opcións ás galegas. Aos 22 segundos xa anotaran o primeiro gol (Ari) e aos 5 minutos xa tiñan o partido cun 3-0 ao seu favor (goles de María Sanz e outro de Ari).
As galegas anotaban o seu primeiro gol no minuto 6 por medio de Judith (3-1), pero Ari aínda tiña máis tantos gardados para sacar da chistera e asinou o seu hat trick no minuto 8 (4-1). O quinto das locais foi obra de Becha no 17 de partido. Antes do descanso recurtaba outra vez distancias o equipo adestrado por Morenín grazas a un tanto de Iria Saeta (5-2, minuto 18).
Chegou a poñerse a dous goles o equipo galego cando Jenny Lores anotou no 21 o 5-3. Era o arranque da segunda metade e o Ourense Envialia estaba aínda con opcións de remotnar.
No pasou. Irene Córdoba volvía sumar para o Futsi (6-3, minuto 34) e, aínda que Jenny Lores dáballe a réplica no 36 (6-4), ese sería o último gol das galegas. O Altético Navalcarnero anotaría aínda dous goles máis: Amelia Romer a (7-4, minuto 39) e Laura Córdoba sobre a bucina (8-4).
Invictas. Así seguen as futbolistas do Futsi Atlético Navalcarnero. Tampouco foron quen as pupilas de Morenín de facerlles pupa ás madrileñas, lideres intratables un ano máis da competición. Nove xornadas e nove triunfos logo de vencer 8-4 nesta última cita ás ourensensás.
Próxima xornada, duelo entre Marín e Burela
Na seguinte xornada haberá duelo de rivalidade galega coa visita do Marín Futsal ao Pescados Rubén Burela (sábado 4 de decembro). O Poio Pescamar recibirá ao Rayo Majadahonda AFAR 4 FSF, e o Ourense Envialia ao Melilla Sport Capital Torreblanca FS.
