A Comisión Delegada da Real Federación Española de Ciclismo (RFEC) aprobou na súa última xuntanza o calendario de Campionatos e Copas de España de BTT para o 2023. A falta de que se confirmen as probas do certame de XCUM, Galicia repite como escenario de catro citas, segundo informa a Federación Ciclismo Galego. A tres citas consolidadas no panorama estatal, Endurrazo, Montefaro Enduro Race e Lalín Bike Race, únese o Trofeo Federación DHI – Manzaneda Bike Park. Un póker de carreiras galegas.
Na súa quinta edición o Descenso organizado pola Federación Ciclismo Galego (FCG) na Estación de Montaña de Manzaneda dá o salto á Copa coordinada pola RFEC. Os mellores riders españois competirán no Bike Park ourensán o 23 de xullo. Será a cuarta e última xornada do certame que arranca o 19 de febreiro no municipio granadino de Otívar.
As outras tres citas deportivas tamén repartirán puntos para as Copas de España. A de Enduro volve contar con dúas xornadas na nosa comunidade. O 30 de abril e o 1 de maio Moaña vibrará co Endurrazo 2023 do THC Bike, terceira cita dun certame que finalizará o 28 de maio en coa Montefaro Enduro Race do Pulpeiros Mugardos, quinta e última proba do calendario.
A fin de semana seguinte ao peche en Ares e Mugardos da Copa de Enduro, a Lalín Bike Race regresará ao programa do circuíto estatal de desafíos de Cross Country Maratón. Despois de exercer de Campionato de España de XCM e de XCUM, no 2021 e no 2022 respectivamente, a carreira do Extol MTB Team e do Montes do Deza volve a unha competición da que formou parte por última vez no 2019 e faráo como segunda das súas cinco xornadas. Á localidade pontevedresa chegarán o 4 de xuño vestidos como líderes as triunfadoras e os triunfadores o 15 de abril en Calamocha (Teruel).
A Comisión Delegada de la Real Federación Española de Ciclismo (RFEC) aprobaba o calendario 2022 da Copa de España de BTT XCO, Copa de España de BTT XC Maratón, Copa de España de Bicicleta Toto Terreo Descenso e Copa de España de BTT Enduro, nas que haberá probas galegas. O calendario completo é o seguinte:
COPA DE ESPAÑA BTT XCO
- 5 marzo – Gran Premio Inernacional Candeleda-Gredos – Candeleda, Ávila
- 12 marzo – Gran Premio Ciudad de Valladolid B T T XCO – Valladolid
- 26 marzo – Copa de España XCO G.P. X-Sauce – Alpedrete, Madrid
- 2 abril – VIII Bicicleta Toto Terreo Ernuta de Santa Bárbara – Zaragoza
- 30 abril – Copa de España XCO Gran Premio Sabiñánigo – Sabiñánigo, Huesca
COPA DE ESPAÑA BTT XCM
- 15 abril – Jamón Bike – Calamocha, Teruel
- 4 xuño – Lalín Bike Race – Lalín, Pontevedra
- 18 xuño – Desafío Dama Roja – Ramales de la Victoria, Cantabria
- 3 setembro – XIII Maratón Bicicleta Toto Terreo Sierra de Cazorla – Cazorla, Jaén
- 1 outubro – XXII Ruta Ciclista BTT Villa de Paterna del Campo – Paterna del Campo, Huelva
COPA DE ESPAÑA BTT DHI
- 19 febreiro – Copa de España DH Otivar 2023 – Otivar, Granada
- 12 marzo – XXIX Gran Premio Maxxis-Sant Andreu de la Barca – Sant Andreu de la Barca, Barcelona
- 14 maio – VI Gran Premio DH El Raso-Gredos – El Raso, Ávila
- 23 xullo – V Trofeo Federación DHI – Manzaneda Bike Park – Estación de Montaña Manzaneda, Ourense
COPA DE ESPAÑA BTT Enduro
- 5 marzo – Sierras Matarraña MTB Enduro Race – Peñarroya de Tastavinis, Teruel
- 26 marzo – Copa España La Adrada – La Adrada, Ávila
- 30 de abril al 1 maio – Endurrazo 2023 – Moaña, Pontevedra
- 6 al 7 de maio – 11ª Edició-Super Enduro Arfa 2023 – Arfa, Lleida
- 28 maio – Montefaro Enduro Race – Mugardos e Ares, A Coruña
*A Copa de España de Ultramaratón aínda está pendente de confirmación.
Esa mesma Comisión Delegada da RFEC aprobaba as datas e emprazamentos da edición 2023 dos Campionatos de España de BTT XCO-XCC-XCE-TR, do Campionato de España de BTT XC Maratón, do Campionato de España de BTT XC Ultramaratón, do Campeonato de España de BTT Descenso e do Campionato de España de BTT Enduro. Nestas citas Galicia non está presente como escenario. Esta é a relación completa:
CAMPIONATO ESPAÑA BTT XCO-XCC-XCE-TR
- 13 al 16 de julio – Sabiñánigo, Huesca
CAMPIONATO DE ESPAÑA MARATÓN
- 21 de maio – XI Maratón Templario MTB Race Jerez de los Caballeros – Jerez de los Caballeros, Badajoz
CAMPIONATO DE ESPAÑA ULTRAMARATON
- 16 setembro – MMR Power Race Astorga – Astorga, León
CAMPIONATO DE ESPAÑA BTT DHI
- 8 al 9 de xullo – Panticosa, Huesca
CAMPIONATO DE ESPAÑA ENDURO
- 22 de abril – VIII Enduro de Puntallana – Puntallana, Tenerife
