- A xunta directiva da Federación Galega de Balonmán celebrou recentemente unha reunión para facer balance e marcar os obxectivos para a segunda parte do mandato.
A xunta directiva da Federación Galega de Balonmán cumpre dous anos de mandato. Dous anos que desde a federación cualifican como “complicados”, e nos que a Federación Galega tivo que organizar un Mundial Júnior (2019) e despois facer fronte a unha pandemia que paralizou o mundo enteiro.
O presidente da FGBM, Bruno López, considera que os retos para os dous proximos anos son: “ofrecer medios aos clubs para profesionalizar as estruturas, iniciar un proxecto de balonmán na escola, chegar co balonmán a todos os pobos e cidades galegas e levar o balonmán á rúa”.
O día 19 de febreiro de 2019 a nova directiva, con Bruno López como presidente, púxose ao fronte da Federación Galega de Balonmán, “con moita ilusión e proxectos ambiciosos”. O primeiro e máis importante era sacar adiante a organización dun Mundial Júnior, daquela tiña so cinco meses por diante.
Explican desde o ente federativa que “foi unha ardua tarefa que a Federación emprendeu coa máxima ilusión é co obxectivo de amosar xa neste evento os cambios que estaban a realizar. Así, coincidindo co inicio do Mundial, presentouse unha nova web e unha nova imaxe, como sinais de identidade. O Mundial foi un fito histórico para o balonmán galego e, en palabras de Hassan Moustafa, presidente da IHF (International Handball Federation), foi “perfecto, correcto e excelente“”.
A partir de aí, contan desde a Federación Galega de Balonmán que deu comezo o traballo para “pór en valor as competicións autonómicas, con novos formatos, tratando de que foxen máis atractivos e que cada unha das fases tivesen un incentivo”.
Desgraciadamente a pandemia da COVID-19 cortou a competición a metade. Novamente tocou reinventarse e outra vez a Federación volveu buscar formas de entretemento e formación para os seus clubs, directivas, xogadores/as, técnicos/as e árbitros/as.
Entretemento, volta segura, protocolos e máscaras
Explica a FGBM que durante todos estes meses traballouse “intensamente” en diferentes ámbitos como por exemplo en tentar “ofrecer formación en liña”, ou “entreter nas redes sociais da federación galega”. Tamén se fixo un traballo importante para “organizar unha volta segura” á práctica deportiva e “para facer o protocolo deportivo anti-COVID”.
Non hai que olvidar que presentou unha máscara técnica deportiva facial que buscaba poder ofrecer as persoas que practican balonmán en Galicia “as mellores máscaras, para facer competicións novas co obxectivo de garantir ao máximo a seguridade…”. Moitos frentes cos que ninguén contaba e nos que houbo que aplicarse a fondo.
Desde aa FGBM consideran que o Mundial e a pandemia marcaron o descorrer destes dous primeiros anos de mandato, nos que “houbo un gran avance en materia de imaxe, comunicación e formación en liña”.
Estos son os obxectivos para o que resta de mandato
Estes dous últimos anos, pero sobre todo o último contou con moita esixencia, traballo e retos que ninguén esperaba. Neste segundo aniversario, chegou “o momento da análise do feito e de plantexar novos retos cara ao futuro”, din desde Fed. Galega de Balonmán.
Neste sentido, o presidente de Federación Galega, Bruno López, destacou varios obxectivos para os dous vindeiros anos: “ofrecer medios aos clubs para profesionalizar as estruturas, iniciar un proxecto de balonmán na escola, chegar co balonmán a todos os pobos e cidades galegas e levar o balonmán á rúa”.
