Chegou a terras ferrolás a última fichaxe do BAXI, a xogadora americana Brooke Salas. A deportista está desde onte na tarde na cidade departamental, despois dunha longa viaxe desde a súa terra.
No conxunto departamental espérase que a xogadora poida debutar de xeito inminente. En concreto o sábado, 30 de xaneiro podería lucir a camiseta ferrolá. Nese caso, o cruce da súa estrea tería como escenario A Malata e o rival sería o Azkoitia Azpeitia ISB, na 18ª xornada da LF2.
A deportista chega para axudar ao equipo a alcanzar o obxectivo do ascenso á Liga Endesa.
A nova xogadora do BAXI Ferrol xa ten experiencia na máxima categoría. Brooke Salas xa xogou nela o ano pasado nas filas do Embutidos Pajariel Bembibre e esta campaña, até finais de decembro, os Quesos El Pastor Zamora.
Está previsto que Brooke Salas empece a adestrar o martes coas súas novas compañeiras ás ordes de Lino López, xa que o equipo ferrolán ten, hoxe luns 25, xornada de descanso ao xogar onte co Vega Lagunera Tenerife co que acadou a súa 17ª vitoria consecutiva.
