A selección galega de voleibol destacou cos seus diferente equipos no recente Campionato de España (CESA), celebrado en Valladolid do 27 ao 30 de xuño.
Os equipos galegos, tanto en categorías femininas como masculinas, demostraron o seu alto nivel competitivo, conseguindo resultados significativos nun torneo que reuniu ás mellores promesas do voleibol español, segundo informa a Federación Galega de Voleibol.
Clasificación das Seleccións Galegas no CESA 2024!
▪️ Cadete feminino: 3ª posición
▪️ Infantil Feminino: 6ª posición
▪️ Cadete masculino : 8ª posición
▪️ Infantil Masculino: 9ª posición#voleigalego pic.twitter.com/T8yHCOkxDF— Federación Galega de Voleibol (@VoleiGalego) June 30, 2024
Cadete Feminino: Bronce para Galicia
O equipo cadete feminino de Galicia brillou con luz propia ao conseguir a terceira posición no campionato. As xogadoras galegas amosaron un xogo sólido e unha gran cohesión na cancha, o que lles permitiu avanzar ata as semifinais. Aínda que non lograron chegar á final, souberon reporse e vencer no partido polo terceiro posto ante Andalucía, obtendo así a medalla de bronce e consolidando a súa posición entre as mellores do país.
A Selección Galega Infantil Feminina foi 6.ª
O equipo infantil feminino tamén tivo unha destacada actuación, alcanzando a sexta posición na clasificación xeral. A pesar de enfrontarse a rivais moi competitivas, as novas galegas demostraron o seu talento e potencial, asegurando o seu lugar entre os equipos máis prometedores do torneo.
Cadete Masculino: Oitavo Lugar
O equipo cadete masculino rematou na oitava posición tras unha serie de partidos moi disputados. Os xogadores galegos loitaron con determinación e espírito deportivo en cada encontro, deixando claro que teñen un futuro prometedor no voleibol. A experiencia gañada neste campionato será invaluábel para o seu desenvolvemento e crecemento como deportistas.
Infantil Masculino: Noveno Posto
Por último, o equipo infantil masculino de Galicia situouse na novena posición. A pesar de non ter acadado os primeiros postos, os xogadores demostraron un gran esforzo e dedicación en cada partido. Este resultado permitiralles seguir traballando e mellorando, coa vista posta en futuros campionatos onde poderán demostrar todo o seu potencial.
“A actuación das seleccións galegas no Campionato de España de Voleibol 2024 foi motivo de orgullo e satisfacción para a comunidade galega. Os resultados obtidos son reflexo do esforzo e a dedicación dos xogadores, adestradores. clubs e familias involucradas. Con estes logros, o voleibol galego segue consolidándose como unha canteira de talento no ámbito nacional, prometendo moitas máis alegrías e éxitos no futuro”, afirman desde a Federación Galega de Voleibol.
Falta moita xente nesta foto, pero queremos comezar esta semana agradecendo a toda a marea do #voleigalego que se desprazou ata Valladolid para animar ás nosas Seleccións Galegas durante este CESA 2024. Os nosos éxitos tamén son vosos! pic.twitter.com/4dxavcB2Bo
— Federación Galega de Voleibol (@VoleiGalego) July 1, 2024
