O sábado 3 de outubro, As Brigantias Roller Derby organizan na asociación Acéfala un obradoiro no que os asistentes poderán aprender todo o necesario sobre o mantemento dos patíns.
Será un obradoiro de aproximadamente dúas horas de duración, podendo escoller dous horarios: de 17 h a 19 h, ou ben, de 19 h a 21 h. O evento terá lugar na asociación Acéfala, situada no baixo da Avenida de Hércules 73, esquina coa rúa Joaquín González e a inscrición realízase a través deste formulario: https://bit.ly/30iFmRE
As prazas son limitadas e asignaranse por orde de inscrición. Ademais, o taller será completamente de balde para todos os asistentes.
