“As Brigantias quedan para patinar!”: ese é o lema dunha nova actividade organizada polo club As Brigantias Roller Derby á que convidan a todas aquelas persoas que queiran pasar un rato divertido en patíns (en liña ou quads).
O encontro terá lugar o vindeiro venres día 19 ás 7 da tarde no Rompeolas, situado na praia de Orzán da Coruña. Dende club animan á xente a unirse se quere coñecer a xente nova e descubrir máis sobre o Roller Derby. Quen queira só ten que levar os seus patíns e as súas proteccións!
As Brigantias Roller Derby volveron a adestrar a semana pasada
Ademais, lembran que o xoves 11 de xuño o Club As Brigantias retomou os adestramentos tras os meses de confinamento. Estes se celebran na pista de Monte Alto de 20.00 a 23.00 e convidan a todas as interesadas en coñecer este deporte a que se unan. Non se requiren coñecementos previos de Roller Derby, o único requisito é ter máis de 16 anos.
Pódese aprender a xogar desde cero, polo que se estás interesada, podes poñerte en contacto no mail uneteasbrigantias@gmail.com.
Para mais información, o equipo dispón de redes sociais (Facebook, Instagram, Twitter) e de la páxina web www.brigantias.com.
