O sábado 24 de setembro, no polideportivo de Monte Alto, na cidade da Coruña, disputáronse dous encontros de Roller Derby WFTDA (Women ́s Flat Track Association) organizados polo Club Deportivo As Brigantias Roller Derby A Coruña. Ambos os dous partidos estaban incluídos no programa da WFTDA: “Back to the track”, e polo tanto, retransmitidos en directo para todo o mundo: https://wftda.tv/wftda-tv-guide.
O primeiro partido deu comezo ás 16.30 horas, entre o equipo das Brigantias B, de recente creación, e La Güestia Roller Derby Asturies. Finalizando cun marcado de 107-119 (vitoria para o equipo asturiano). “Cabe destacar o gran esforzo e traballo realizado polas xogadoras de Brigantias B, afrontando o xogo cun roster de só sete xogadoras, sendo o estreo na pista de tres delas”, explican desde o club.
Estrea do equipo B das Brigantias
O segundo partido con inicio ás 19.00 horas, enfrontaba ó Club Deportivo As Brigantias Roller Derby A Coruña contra Harbour Girls St. Pauli (Hamburgo, Alemania). Nesta ocasión, o club local de RD, As Brigantias, gañaban o partido cun marcador de 207- 81.
ALBERTO FERNÁNDEZ IGLESIAS
As Brigantias Roller Derby A Coruña son o único Club de Roller Derby galego que forman parte da WFTDA, compartindo dita categoría (que as permite competir a nivel internacional), xunto a Roller Derby Madrid e Roller Derby Barcelona. As Brigantias festexan neste 2022 dez anos de vida, algo complicado nun deporte minorizado.
Para o sábado 19 de novembro, a competición internacional regresará á cidade da Coruña, en concreto ao pavillón de Elviña II. As Brigantias RD A Coruña organizarán e xogarán un triangular de Roller Derby contra os equipos de Crime City Rollers B de Malmo (Suecia), e o equipo de Rotterdam Roller Derby (Holanda). Evento retransmitido en directo a nivel mundial pola WFTDA.
Xornada de portas abertas o 2 de outubro
Desde o CD As Brigantias RD A Coruña recordan que o domingo día 2 de outubro teñen unha xornada de portas abertas para as persoas maiores de 16 anos que teñan curiosidade ou desexen iniciarse neste práctica da patinaxe. Aquelas interesadas deben escribir a: uneteasbrigantias@gmail.com.
Esta xornada de captación terá lugar no Frontón de Riazor de 11.00- 13.00 horas.
