O roller deby dispútase esta fin de semana na Coruña. A cidade herculina acollerá o domingo 20 de marzo a Liga Nacional e a Liga Galega, da man do club As Brigantias Roller Derby. A cita celebrarase no polideportivo de Monte Alto.
Por unha parte, a afección coruñesa poderá desfrutar da Liga Nacional ARDE (Asociación de Roller Derby de España), coas Brigantias como anfitrioas. Ás 12:30 horas disputarase o partido do Team Galiza, composto por patinadoras de distintos clubs galegos, tendo como rival ás asturianas da Güestia.
A xornada continúa ás 15:00 horas, coa Liga Galega que enfronta aos equipos de Galicia durante catro xornadas que se disputan en distintos puntos do territorio galego. Neste caso competirán as Sereas Bravas de Vigo, as Jabatas de Ourense, Negra Sombra de Pontevedra e As Brigantias da Coruña.
O domingo enfrontaranse as viguesas contra as ourensás ás 15:30 horas e ás 17:30 horas será o turno do duelo entre pontevedresas e coruñesas. A entrada é de balde.
