- No Torneo Internacional W25 de Darmstadt en Alemania, a xogadora galega Jéssica Bouzas Maneiro conseguiu ser semifinalista no formato individual e finalista na proba de dobres
Jéssica Bouzas gañou na primeira volta 6-1 e 7-6(4) ante a xogadora licenciada polo Valencia Tenis Club, Leyre Romero Gormaz, que tamén é a súa compañeira de dobres neste torneo.
Na segunda rolda deste Torneo Internacional W25 de Darmstadt gañou a Arina Gabriela Vasilescu (ROU) por un rotundo 6-0 e 6-1 e en cuartos de final eliminou á francesa Carole Monnet, cuarta cabeza de serie, cun resultado de 7-6(6) e 6-2. En semifinais do Torneo Internacional W25 de Darmstadt, perdeu por 3-6, 6-2 e 6-3 ante a campioa deste torneo internacional, a croata Antonia Ruzic.
Na modalidade de parellas, Jéssica Bouza e Leyre eliminaron, cun resultado de 6-2 e 6-4, ás favoritas, as rusas Irina Khromacheva e Ekaterina Makarova. En cuartos de final venceron a Elizabeth Halbauer (EE.UU.) e Sina Herrmann (GER) por un axustado 6-3, 5-7 e 19-7. Nas semifinais venceron a Oana Gavrila (ROU) e Ariana Gabriela Vasilescu (ROU) por 7-5 e 6-3.
Na final non lograron superar a Elena Malygina (EST) e Alice Robbe (FRA), o resultado dun dobre 7-5 na competición deste Torneo Internacional W25 de Darmstadt de 2022.