Unha vez máis, a excelente xogadora de volei praia, Nuria Bouza, logra chegar a unha final representando ao Club Volei Praia Milenio. Será no partido para decidir ás campioas da proba do Vall d’Hebrón, en Cataluña, da Liga de Inverno da Real Federación Española de voleibol.
A galega formaba parella con Nadia Molina Hidalgo, do Beach Sport Cataluña. A dupla Bouza/Molina logrou, despois de disputar varios partidos na xornada do pasado sábado, 12 de decembro, clasificarse para xogar a final. Non puideron acadar o ouro, pero si asinaron un encontro moi igualado.
A parella á que se enfrontaron foi a formada por Carla Martínez e Kadri Puri, compañeira de Bouza no torneo celebrado a semana anterior en Mallorca, onde conseguiron o ouro.
Dúas xogadoras do Volei Praia Milenio enfrontáronse na final do torneo de Mallorca
Tal é como o refrexan os resultados, cun 26-24 e un 25-23, a final desta proba do circuito da Liga de Inverno estivo moi disputada. A galega non puido acadar a vitoria, pero defendeu xunto coa súa compañeira, moi ben ao equipo.
A próxima parada será no Parque Deportivo Puerta del Hierro, en Madrid, nos días 19 e 20 de decembro.
