Pese a continuar invictas e golear ás súas rivais, tras a disputa da totalidade de partidos da terceira xornada da Ok Liga Prata, o CH Borbolla está na tercera plaza. Por diante ten ao CP Alcorcón e ao Deportivo Liceo.
O equipo que adestra Santi Martínez descansou a xornada anterior e chegou con folgos renovados a esta fin de semana na que afrontaba unha maratón de partidos en 48 horas. Do primeiro, o de Ok Liga Prata, saiu vitorioso e de xeito contundente, no segundo o de Ok Liga, non tivo a mesma sorte e volve á Coruña sen puntos.
As tomatitas vencían por un claro 0-8 ao conxunto do CPP Raspeig na súa cancha. Os goles do HC Borbolla levaban o selo da familia Yáñez ate que Antía Rivadas e Marta Vilas se sumaron ao festival goleador que estaba sendo liderado por Lucía e Lara Yáñez.
As coruñesas do HC Borbolla chearon ao descanso cun 0-5 ao seu favor e aumentaron a súa renda con tres goles máis. Terían aumentado a colleita goleadora se o HC Borbolla houbese sido quen de transformar a falta directa da que dispuxo Martas Vilas na primeira parte. Por parte local, Marta Milá Palazón tamén tivo unha falta directa pero non foi quen de superar a Edén Avecilla.
Descanso dunha semana e volta ás canchas para rematar abril con derbi
Ten agora por diante o HC Borbolla unha semana polo parón competitivo na categoría de prata do hoquei sobre patines feminino español co gallo da Semana Santa. Ao regreso destas mini vacacións, o domingo 11 de abril recibirán na súa cancha de Monte Alto ao CP Alcorcón.
O mes de abril continuará para as coruñesas o domingo 18 coa súa visita a cancha da UDC Rochapela. E xa o sábado 24 de abril disputará un dos partidos máis esperados da categoría.
As tomatitas xogarán de visitante na súa propia cidade xa que se disputará o derbi coruñés entre Deportivo Liceo e HC Borbolla ás 19:00 horas na pista liceísta. Verdibrancas e vermellas xogarán un partido que sen dúbida atraerá moitas miradas.
FICHA TÉCNICA
0) CPP RASPEIG: Paula García, Paula Millán, Marta Millán (C), Estela Chacón e Paula Montejano – quinteto inicial -. Tamén xogaron: Leyre Roche, Rosana Teruel, Claudia Landete, Camila Fernández e Tania Blumhagen Lacroix (P.S.)
8) HC BORBOLLA: Edén Avecilla, Marta Vilas, Antía Rivadas, Lucía Yáñez e Lara Yáñez – quinteto inicial -. Tamén xogaron: Valentina de Girolamo, Alba Díaz (C), Lucía Castro e Florencia de Girolamo (P.S.)
GOLES: 0-1 Lucía Yáñez, 0-2 Lara Yáñez, 0-3 Lucía Yáñez, 0-4 Lara Yáñez, 0-5 Antía Rivadas 0-6 Lara Yáñez, 0-7 Antía Rivadas e 0-8 Marta Vilas.
ÁRBITROS: Gemma Bravo Ponferrada, amosou cartón azul á local Marta Milán e a visitante Antía Rivadas. Cronometrador: Antonio Fernández Varo.
INCIDENCIAS: Partido correspondente á terceira xornada da Ok Liga Prata disputado no pavillón municipal da localiade de San Vicente del Raspeig.
