Mentres hai vida, hai esperanza. As matemáticas aínda non din que o HC Borbolla non poida seguir a estela do HC Deportivo Liceo rumbo á Ok Liga. Pero o certo é que os números son cada vez menos factibles.
A súa goleada esta xornada por 5-0 á UDC Rochapea no pavillón de Monte Alto fai que as galegas cumplan a súa parte. Pero xa non dependen de si mesmas e o triunfo de Las Rozas 4-3 ante o Alcorcón, pon máis costa arriba as súas opcións de xogar na elite o vindeiro ano outra vez.
As patinadoras que adestra Santi Martínez non poden perder ningún partido e si terían que facelo os seus rivais directos CP Alcorcón e CP Las Rozas. Xusto contra estas últimas mídense na última xornada que podería ter tintes de final.
No partido ante a UDC Rochapea abriu o marcador por partida dobre Antía Rivadas, anotando tamén Lucía Castro, Lucía Yáñez e Valentina de Girolamo.
A vindeira semana xógase o derbi coruñés entre HC Borbolla e HC Deportivo Liceo coas verdibrancas, ascendidas, líderes e invictas, e as tomatitas xogándose a vida para tentar acompañar ás súas veciñas o vindeiro ano na Ok Liga Feminina de hoquei.
O calendario do HC Borbolla
Na clasificación da Ok Liga Prata o HC Deportivo ocupa a primera praza con 26 puntos. O CP Alcorcón é segundo con 20 puntos. O CP Las Rozas é terceiro con 17 e o HC Borbolla é cuarto con 16. So ascenden os dous primeiros equipos. Os calendario do HC Borbolla é o seguinte:
- Domingo 13/06/21 19:00 horas HC Borbolla – HC Deportivo Liceo
- Domingo 20/06/21 12:30 horas CP Las Rozas – HC Borbolla
FICHA TÉCNICA
5) HC BORBOLLA: Edén Avecilla, Antía Rivadas, Marta Vilas, Lucía Castro e Lara Yáñez – quinteto inicial -. Tamén xogaron: Valentia de Girolamo e Lucía Yáñéz. Alba Díaz (C) (P.S.)
O) UDC ROCHAPEA: Garazi Leranoz, Iruña lasaosa, Saioa Larrainzar, Irne Santesteban, Irati Ezkurra – quinteto inicial -. Tamén xogaron: Ainara Casado (C). Ainara Errea (P.S.)
GOLES: 1-0 Antía Rivadas. 2-0 Antía Rivadas. 3-0 Lucía Castro. 4-0 Lucía Yáñez. 5-0 Valentina de Girolamo.
ÁRBITROS: Nicolas Morandeira Sánchez, árbitro principal. María Teresa Martínez Cancelo, árbitro auxiliar. Miguel Iglesias Crespo, cronometrador.
INCIDENCIAS: Xornada 12 da Ok Liga Prata disputado no Pavillón de Monte Alto na Coruña.
