O Borbolla non gañou, pero medrou sobre a pista. Diante das líderes as galegas, colistas, plantaron cara e incluso se puxeron por diante no marcador. A sentencia das catalás non chegou até o tramo final do partido. Tiveron enfronte a un equipo coruñés defendendo a súa portaría con fouteza.
Abriu o marcador o HC Borbolla que tirou partido da exclusión por azul de Figuerola. Así, no minuto 11 de xogo, Marta anotaba de falta directa. Antes de chegar ao descanso empataría Xicota. No límite do final da primeira parte Beatriz colocaba por diante de novo ás galegas 1-2, amosando así que son quen de lle facer fronte a calquera rival.
Na segunda parte Solé devolveu as táboas no 31 (2-2). Nos minutos finais foi cando o Cerdanyola apretou e foi sumando goles o 3-2 foi de Silva, e tanto o 4-2 como o 5-2 asinounos Sole, que no total do partido sumou 3 tantos na súa conta particular.
Santi Martínez, adestrador Borbolla: “Posiblemente foi o noso mellor partido”
O adestrador do conxunto coruñés destacaba tras o encontro o bo nivel amosado polas súas pupilas: “Posiblemente foi o noso mellor partido no que vai de campionato. O primeiro tempo fomos superiores ao Cerdanyola. Saíron elas a tentar marcar o ritmo do partido pero soubemos estar coa cabeza fría e aguantar os seus primeiros ataques. Pronto, en 2 ou 3 minutos ca logramos adecuar o xogo ao que tiñamos falado durante a semana: intentar que o partido se xogase como nós queriamos e que non fose un monólogo do Cerdanyola. Lográmolo”.
Santi Martínez, adestrador do HC Borbolla: “Tentamos que o partido se xogase como nós queriamos e que non fose un monólogo do Cerdanyola e lográmolo”
O técnico do HC Borbolla, Santi Martínez engadía que “sobre todo no primeiro tempo tivemos moitas chegadas á súa portaría, sendo algunhas delas moi claras. Ao mesmo tempo, fomos quen de minimizar as súas. Froito dese traballo tivemos a favor 1 penalti que erramos e os dous goles que si marcamos. O primeiro foi un libre directo logrado por Marta Vilas. O segundo, de Bea, tras fallar un penalti ela mesma colle o rechace e bate á porteira. Así chegamos ao descanso con victoria parcial de 2-1″.
Explica Santi Martínez, preparador do HC Borbolla que na segunda parte o inicio “foi moi parecido a como se desenvolveu o primeiro período. Pero as locais meteron máis presión, se cabe, acadando o empate. Nós seguiamos xogando a moi bo nivel tendo aínda bastantes chegadas. O partido estaba moi igualado, cos dous equipos dándoo todo para gañar. A falta de 3 minutos para a conclusión, o Cerdanyola conseguiu adiantarse. E claro, fúmonos en busca do empate e incluso de forzar a décima falta (xa que elas tiñan 9), pero non o logramos. Elas aproveitaron a nosa falta de experiencia e fixeron dúas contras certeras aproveitando os nosos ataques á procura da igualada”.
Santi Martínez, adestrador do HC Borbolla: “A falta de 3 minutos para a conclusión, o Cerdanyola conseguiu adiantarse. Aproveitaron a nosa falta de experiencia e fixeron dúas contras certeras aproveitando os nosos ataques á procura da igualada”
Para o adestrador do HC Borbolla: “A mellora do equipo é evidente. Nos últimos partidos vese un equipo máis feito, marcando o ritmo nos partidos en moitos momentos”.
Santi Martínez, adestrador do HC Borbolla: “A mellora do equipo é evidente”
Santi Martínez confía en “seguir correxindo erros neste parón que ven agora, así como apuntalar os nosos puntos fortes”. Até o 9 de xaneiro do ano próximo non se reanuda a Ok Liga Feminina. As galegas recibirán en Monte Alto a outro oso: o Telecable de Gijón. “Este parón da competición chega cando mellor estabamos e cunha dinámica totalmente ascendente, así que esperamos que non nos perxudique e serva para voltar máis fortes”, sentenciaba o entrenador das galegas.
FICHA TÉCNICA
CERDANYOLA: Carla Batllé, Silva, Figuerola, Paredes e Solé – quinteto inicial -. Tamén xogaron: Surós (ps), Xicota, Pera, Gutiérrez e Abril Batllé.
HC BORBOLLA: Fernanda Tapia, Lara, Fernanda Muñoz, Beatriz e Lucía – quinteto inicial -. Tamén xogaron: Edén (ps), Julia, Antía, Alba e Marta.
GOLES: 0-1: min. 11, Marta (falta directa). 1-1: min. 17, Xicota. 1-2: min. 25, Beatriz. 2-2:min. 31, Solé. 3-2: min. 47, Silva. 4-2: min. 49, Solé. 5-2: min. 50, Solé.
ÁRBITRO: Alan Navarro. Amosou cartón azul á patinadora local Figuerola.
