Tardou en chegar a primeira vitoria do HC Borbolla, pero chegou. O fixo ademais diante dun rival ao que as ‘tomatitas‘ tiñan que gañar si ou si.
As xogadoras do HC Borbolla acadaron o seu primeiro triunfo por un marcador de 2-3 e o fixeron diante do CP Alcorcón. Trátase dun rival directo na loita pola permanencia que tiña gañado ás coruñesas na pista de Monte Alto 1-2 na primeira volta.
Foi un partido moi disputado, sobre todo na primeira metada que foi cando se produciron os goles. As xogadoras coruñesas que adestra Santi Martínez tiveron que remotar dous marcadores adversos e aguantaron toda a segunda metade sen encaixar.
Aos cinco minutos de partido adiantábanse o CP Alcorcón por medio de Carlota Antúnez. Pero apenas 6 minutos despois, Fernanda Muñoz anotaba o empate e devolvía as táboas ao electrónico.
Volveron marcar as locais 2-1, esta vez por medio de Marina Monge que transformou unha falta directa.
As herculinas do HC Borbolla non baixaron os brazos, seguiron teimando cara a porta de Irene de Santiago até que Bea Pereira volveu igualar o partido 2-2. No minuto 24, Lara Yáñez faría o 2-3 para as galegas. Chegouse con ese resultado ao final da primeira parte.
No segundo período, as galegas resistiron e aguantaron o marcador do seu lado co 2-3 que estivo no luminoso todo o segundo tempo e co que se chegaría ao final do tempo regulamentado.
FICHA TÉCNICA
CP ALCORCÓN: Irene de Santiago, Dolores Cancelas, Anna Carranza, Carlota Antúnez, Marina Monge – quinteto inicial -. Tamén xogaron: Lucía Martínez, María Castelo, Andrea González, Gabriela Delgado e Patricia Sanz.
HC BORBOLLA: Fernanda Tapia, Julia Cabanas, Fernanda Muñoz, Beatriz Pereira, Lucía Yáñez – quinteto inicial -. Tamén xogaron: Antía Rivadas, Alba Díaz, Marta Vilas, Lara Yáñez e Edén Avecilla.
GOLES: 1-0, min.5: Carlota Antúnez. 1-1, min.11: Fernanda Muñoz. 2-1, min.12: Marina Monge. 2-2, min.16: Beatriz Pereira. 2-3, min.24: Lara Yáñez.
ÁRBITRO: Álvaro de la Hera Jaudenes. Cronometrador: Alberto López Jimeno. Amosaron cartón azul á xogadora local Dolores Cancelas, e á visitante Julia Cabanas.
INCIDENCIAS: Partido correspondente á xornada oitava da OK Liga feminina da FEP, disputado en Prado de Santo Domingo (Alcorcón).