Se estás en situación de desemprego e queres formate como adestradora de fútbol, o Comité Galego de Adestradores oferta unhas bolsas que che poden interesar destinadas a técnicas/os colexiadas/os que estéan en paro.
Segundo informa a Real Federación Galega de Futbol, esta entidade, mediante o Comité Galego de Adestradores, vén de aprobar de maneira extraordinaria a Convocatoria de Axudas a Adestradoras/es colexiados no Comité Galego de Adestradores da RFGF que se atopen en situación de desemprego co fin de colaborar nos gastos derivados da inscrición e/ou realización dos cursos de formación para adestrar impartidos pola Escola de da RFGF.
Pódese consultar a información descargando picando na seguinte ligazón: AXUDAS
As bolsas aprobadas terán unha contía máxima total de 20.000 euros para o ano natural 2021.
Cómpre salientar, ademais, que en próximas datas o Comité Galego de Adestradores fará oficiais outras axudas para a profesionalización das/os técnicas/os galegas/os para os cursos da RFEF.
Cursos da Escola Galega de Adestradores, inscricións até o 8/1/21
O prazo de inscrición para os cursos para entrenadoras/es de fútbol e fútbol sala que organiza a Escola Galega de Adestradores segue aberto ata o próximo 8 de xaneiro.
Por mor da situación derivada da COVID-19, e para evitar riscos e garantir a seguridade dos alumnos, os cursos programados para a tempada 2020/2021 levaranse a cabo de maneira virtual dende xaneiro ata principios de marzo de 2021, cando terá lugar a parte presencial dos cursos, que finalizarán en xuño do 2021.
Para acceder aos cursos é necesario estar en posesión do diploma UEFA C (Nacional C/Monitor) de fútbol ou Nacional C (Monitor) de fútbol sala.
Se unha persoa quere cursar o UEFA B de fútbol ou Nacional B de fútbol sala e non ten a formación requerida pode pórse en contacto coa Escola para poder acceder aos cursos UEFA C ou Nacional C de fútbol sala.
A parte presencial impartirase os luns e mércores en horario matinal (10.00h a 13.00h) ou de tardes (19.30h a 22.30h) e algún día adicional para completar as cargas lectivas esixidas pola UEFA.
Pódese atopar toda a información picando na seguinte ligazón: CURSOS FEDERATIVOS
