- O Liceo, ao que se rendía homenaxe polo seu 50 aniversario, deu a saída á carreira absoluta
Pablo Bocelo e Irea Alén son os gañadores da XIII San Silvestre Coruña, que se celebrou esta mañá de domingo na Coruña, despois de ser aprazada o pasado 31 de decembro debido ao mal tempo. Ao redor de 3.000 persoas participaron na carreira, cuxa saída deron os xogadores do Liceo, ao que se rendía homenaxe polo seu 50 aniversario.
⏳ Así foi a conta atrás da #SanSilvestreCoruña nesta mañá de domingo.
📢 A alcaldesa, @inesreygarcia, e o capitán do @HockeyClubLiceo, Dava Torres, deron a saída á multitude de coruñeses que toman parte nesta edición. pic.twitter.com/yatePnHRjT
— Concello da Coruña (@ConcelloCoruna) January 15, 2023
Pablo Bocelo, cun tempo de 23;06 foi o gañador, seguido de Facundo Medard, que entrou en meta só dous segundos despois, e con Mikel Ocerín en terceiro posto cun tempo de 23:40.
Pablo Bocelo, con un tiempo de 23:06, es el ganador de la #SanSilvestreCoruña. pic.twitter.com/UvKU8cMWEg
— sansilvestrecoruna (@silvestrecoruna) January 15, 2023
Irea Alén, gañadora feminina
En categoría feminina, a gañadora foi Irea Alén, que completou o percorrido de 7,2 quilómetros, en 28:25, seguida de Inés Papín, con 28:38 e Nerea Sánchez, con 28:47.
Bocelo, que fixo honra á súa condición de favorito, xa fora gañador en 2019. Irea Alén e Inés Papín intercambiaron os postos este ano, xa que en 2021 foran, respectivamente, terceira e segunda, e nesta ocasión foron primeira e segunda.
En canto aos premios por equipos, a vitoria foi para OCR Cerceda en categoría mixta e para a Policía Local da Coruña en categoría masculina. O mellor disfrace individual levoullo o Bufón e, por equipos, as Mesas de Almorzo.
El premio al mejor disfraz colectivo es para estas mesas de desayuno. Y el premio al disfraz individual, para el bufón. pic.twitter.com/L2LA7lxgHn
— sansilvestrecoruna (@silvestrecoruna) January 15, 2023
Ademais da proba absoluta, tamén se celebraron dúas probas infantís, para categorías de 7-8 e de 9-10 anos, co Hogar de Santa Margarita como equipo máis numeroso.
Nesta ocasión, de maneira excepcional, recuperouse o percorrido dos primeiros anos, con saída e meta en María Pita, algo que non se podía facer na praza debido ás atraccións que se instalan durante o período do Nadal.
Entre as actividades que se ofrecían tanto aos corredores como a quen hoxe se achegasen ata María Pita estaban unha cámara 360 na caseta de ABANCA, a campaña para concienciar sobre a reciclaxe de Cada Lata Conta e unha caseta cun podio para facerse a foto como gañadores, dá igual o posto no que entrasen, de DxT Campeón. Os que completaron o percorrido, do mesmo xeito que en anos anteriores, tiveron como avituallamiento un anaco de rosca de Debén.
Na entrega de premios aos gañadores participaron a alcaldesa da Coruña, Inés Rey; Fernando Suárez, en representación de ABANCA; Alberto Torres, director de DxT Campeón; Juan Copa, adestrador do HC Liceo; María Debén, de Tahonas Debén; Gary Barboza, de Saunier Duval, e Fuencisla Cid, en representación de El Corte Inglés.
O perfil máis repetido na San Silvestre Coruña é o dunha persoa de mediana idade, de entre 20 a 50 anos, e nunha gran maioría afeccionados. Os corredores con marcas inferiores aos 31 minutos son o 8% do total e os federados alcanzan o 2%. Os participantes de maior idade inscritos son María del Carmen Hermida, de 74 anos, e Antonio Ciudad, de 77.
A participación feminina incrementouse con respecto a 2021, ata alcanzar o 38% do total, aínda que na categoría de marcha nórdica supón un contundente 60%.
Unha San Silvestre solidaria
A proba mantén o seu carácter solidario, co apoio a dous proxectos. Ademais de prestar apoio á campaña Reis Magos de verdade, tamén se recollen alimentos para a Cociña Económica, durante a entrega de dorsais e o mesmo día da carreira. Este ano, co aprazamento por causas meteorolóxicas, xa se tivo que realizar unha primeira entrega de alimentos, un total de 450 quilos, á Cociña Económica. A entrega foi realizada por Saunier Duval e a pena O Silbato, que se encargan de coordinar a recollida.
Ademais, na súa intención de ser unha carreira integradora, a San Silvestre Coruña dispón de “dorsais solidarios” de apoio aos corredores e corredoras con capacidades especiais que o necesiten.
A XIII San Silvestre está organizada por Club Rialto, coa colaboración do Concello da Coruña.
