Sen nada en xogo, o Conservas Orbe Rubensa BM Porriño visita ao CB Lanzarote Puerto del Carmen, salvo a honra e o respecto á competición. Pero con todo o peixe vendido para ambas escuadras no que a esta tempada se refire.
O partido terá lugar no Pavillón Municipal de Tías, en Lanzarote, ás 18:00 hora insular. Arbitrarán o choque Eric Deiros Borras e Jordi Pinilla Iglesias, na mesa estará Roberto García Mosquera e como anotadoras – cronometradoras figuran na ficha previa da RFEBM Sonia Saavedra e Carolina Trujillo. Trátase da oitava xornada do grupo pola permanencia na Liga Guerreras Iberdrola.
¡Ya tenemos nuestra convocatoria para el partido de mañana contra 🆚 @BmPorrino ! 💪 #VamosTiñosa 💛🖤
📺 Síguenos en directo 👉 https://t.co/00RZFmVwm8 pic.twitter.com/O5oNOrn33Q
— Lanzarote Puerto del Carmen (@cbptodelcarmen) May 28, 2021
O Conservas Orbe Rubensa BM Porriño, que adestra Isma Martínez , ocupa a segunda praza do grupo empatado a puntos con Balonmano Salud de Tenerife. Ambas as dúas escuadras teñen nove partidos gañados, dous perdidos e outros tantos empatados.
Na outra cara da moeda están as xogadoras locais que adestra Miguel Ángel Lemes. O CB Lanzarote Puerto del Carmen é colista con cero puntos no seu casilleiro, polo que dirán adeus a Liga Guerreras Iberdrola nesta tardiña de sábado. Con todo, pola honra de gañar algún partido e de darlle unha última alegría á súa afección, seguro que as lanzaroteñas serán un oso non tan doado de roer para as do Porriño.
