Cando todo parecía indicar que o Conservas Orbe Zendal BM Porriño ía conseguir levarse o cruce contra do Aula Cultural de Valladolid, un erro de Ugazi Manterola propiciu que as visitantes chegaran a empatar o partido nos últimos minutos, un tempo que as galegas deberían ter consumido para facer que o reloxo avanzase sen que o rival tivese ocasión de lanzar. Pero non foi así. Perderon a posesión e finalmente o choque finalizaba cun 20-20 no electrónico. E o segundo empate consecutivo das galegas. As palabras de Isma Martínez, técnico local, foron rotundas: “Fixemos todo para non gañar, e non gañamos”.
Tratábase dun encontro adiado da xornada 18 da Liga Guerreras Iberdrola. Con este resultado o Conservas Orbe Zendal BM Porriño colólcas na quinta posición da táboa clasificatoria na Liga Guerras Iberdrola sumando 23 puntos.
O equipo adestrado por Isma Martínez comezou ben o cruce co Aula Cultural Valladolid e chegou ao descanso cun marcador de 11-7. Na segunda metade houbo un baixón local e as vallisoletanas remontaron chegando a poñerse 14-16.
Recuperou terreo o Conservas Orbe Zendal BM Porriño e volveu tomar o control do partido. A cinco minutos do final as galegas vencía 20-18, unha vantaxe que tiraron ao lixo ata deixar o partido en táboas: 20-20.
O equipo do Porriño quere entrar no Play-off polo título pero está pagando a marcha de Buforn e Santomé.
Descontento de Isma Martínez: “Fixemos todo para non gañar”
Ao final do partido técnico local, Isma Martínez, amosaba claramente o seu descontento. Falou incluso de decepción.
Explicaba o adestrador do Conservas Orbe Zendal BM Porriño na súa valoración do encontro: “Non recordo irme dun partido tan enfadado. Cando fas todo para non gañar, non gañas. Esa é a conclusión que saco do partido. Aínda así tivemos o partido na man”.
Declaraba Isma Martínez que para el era “moi duro. Inexplicable. A primeira parte é un partido para ir 5-6 goles por riba por que tiramos por fóra, se non levo mal a conta, ata cinco contraataques. Cando non tes gol e tiramos por fóra os contraataques soas díante da porteira… é complicado gañar un partido marcando 20 goles. Aínda así tiñamos o último balón con 40 segundos e decimos pasárllelo a elas”.
Na súa comparecencia ante os medios de comunicación o técnico do conxunto porriñés manifestaba que para el é “realmente triste e decepcionante. Isto é moi serio. As xogadoras teñen que entender que isto é moi serio. É inaceptable o final do partido de hoxe. É unha cousa que non vira nunca. Espero que nos poñamos as pilas. Que empecemos a entender que isto é moi complicado e que hai moita xente detrás traballando para que nós regalemos hoxe un punto aquí. Estou moi decepcionado”.
FICHA TÉCNICA:
20) CONSERVAS ORBE ZENDAL BM PORRIÑO: Adriana Mallo (1), Ekaterina Zhukova (1), Caro Bono (5), Juliana Santos, Alicia Campo (1), Iria Benaches, Iria Augusto, Julia Pestana, Victoria Zsembery (3), Bruna Días (2), Aroa Fernández (2), Carmen Prelchi (1), Uzagi Manterola (1), Lucía Laguna (3), Isabela Ferrarin e Ana Belen Palomino
20) CAJA RURAL AULA VALLADOLID: Nerea Patiño (2), Mónica Gutiérrez, Inoa Lucio (3), Angela Zurni, Jimena Arriaga, Kadidiatou Jallow (1), Naroa Baquedano (2), Sandra Monteagudo (3), Savina Bergara (1), Alejandra Alonso, Amaia Glez de Garibay (3), Polina Gorbatsojova (4), María Guerra Zaldivar (1), Carmen Sanz e Marisol Carratu.
MARCADOR CADA 5 MINUTOS: 3-1, 5-3, 6-5, 8-5, 10-7, 11-9 – DESCANSO -, 12-11, 13-14, 14-16, 17-16, 19-18 e 20-20
EQUIPO ARBITRAL: A parella arbitral estivo formada por Abel Juncal López e Ángel Mateos Alonso, da federación territorial de Galicia. Excluíron por parte do Conservas Orbe Zendal Bm Porriño a Juliana Santos e pola banda do Caja Rural Aula Valladolid a Angela Zurni (descalificación directa), Savina Bergara e María Zaldivar.
INCIDENCIAS: Partido correspondiente á 18ª xornada da Liga Guerreras Iberdrola.
