O Conservas Orbe Zendal BM Porriño pecha a tempada ligueira cunha derrota na casa diante dun sólido rival, o Atticgo BM Elche, que se impuxo ás galegas por 19-30. Isma Martínez rotou ás xogadoras dando minutos ás menos habituais para así poder chegar máis frescas ao partido do sábado en Islandia da European Cup.
Último baile desta tempada na Liga Guerreras Iberdrola para o Conservas Orbe Zendal BM Porriño que disputou o seu último encontro como local na presente tempada e rematou perdendo. Enfronte das galegas estaba un potente adversario. O cruce constituía o partido de volta dos cuartos de final da máxima categoría estatal do balonmán feminino. Na ida o equipo ilicitano acadara unha renta de 11 goles logo de vencer 32-21 ao BM Porriño.
A derrota sufrida neste último encontro selou o final dunha campaña na que o equipo, dirixido por Isma Martínez, logrou un meritorio quinto posto na clasificación xeral, despois de terminar cuarto na fase regular e non superar as eliminatorias polo título.
O BM Porriño xa pensa en Islandia
O desenvolvemento do encontro estivo condicionado polo resultado adverso cultivado no duelo de ida, así como pola inminente participación do equipo galego na final da European Cup, que se disputará leste mesmo sábado en terras islandesas.
Coa mente posta nesa esixente cita continental, o corpo técnico decidiu rotar as xogadoras e dar minutos a deportistas menos habituais ao longo do curso.
Así, o partido serviu para ver sobre a pista a novos talentos e xogadoras con menos carga competitiva como as pivotes Iria Benaches e Alicia Campo, a primeira liña Aroa Fernández ou a extremo Isis Moreno.
Pola súa banda, figuras chave como Paulina Buforn, Malena Vales ou Carolina Bono participaron de maneira máis dosificada.
O rival, Atticgo BM Elche, estivo moi efectivo desde o inicio, logrou romper o equilibrio do marcador no primeiros quince minutos, alcanzando unha ampla vantaxe de 6-15 que condicionou o resto do enfrontamento.
Deste xeiTo, o equipo visitante mantivo a súa superioridade durante todo o choque e o BM Elche acabou impoñéndose cun contundente 19-30.
Coa mirada en Europa falaba ao final do encontro Paulina Buforn aos micros da TVG.
FICHA TÉCNICA
19) BM PORRIÑO: Fátima Ayelén (portera), Inma García-Navas (suplente), Carolina Bono (1), Alicia Campo (2), Iria Benaches (2), Malena Valles (2), Aitana Santomé, Aroa Fernández (5), Maider Barros, Sarai Samartín (3), Paulina Buforn (2), Isis Moreno, Daniela Moreno e Laguna (2).
30) ELCHE: Carratú (portera), Nicole Morales (suplente), Agulló (1), Patricia Méndez (1), Gascó (4), Flores, Zaira Benítez (4), Esther Martín-Buró (3), Bernabé, Rubio (4), Kelly Rosa (7), Carmen Filipa (5) e Noelia Solla (1).
EQUIPO ARBITRAL: Alejandro Hoz e Axel Riloba. Sancionaron con exclusión de dous minutos a Aroa Fernández polo conxunto local, e a Patricia Méndez, Carmen Filipa e Noelia Solla (en dúas ocasións) por parte do equipo visitante.
INCIDENCIAS: O encontro, correspondiente ao partido de volta dos cuartos de final da Liga Guerreras Iberdrola, celebrouse no pabellón municipal do Porriño. Os seareiros galegos despediron a tempada cun sorriso malia a derrota colleitada. A mirada e os soños están postos en Europa.
