Este venres Irene Blanco volverá á competición. O fará no Campionato de Europa Júnior de Halterofilia, que se está a celebrar estes dísa no complexo deportivo de Santa Sport de Rovaniemi, en Finlandia.
A haltera coruñesa pasou unha infección bacteriana no pasado mes, tendo que permanecer ingresada durante unha semana no hospital, polo que o seu estado para competir estaba en dúbida. Porén, a galega do CH Coruña recuperouse sen problemas e foi quen de superar o test previo ao campionato europeo.
Igualmente, malia non estar no seu mellor momento de forma, a herculina foi seleccionada pola dirección técnica da Real Federación Española de Halterofilia para o evento europeo. A deportista, que adoitaba a ser unha das favoritas ás medallas, competirá nos -87kg e completa o equipo feminino español coa salmantina Marta García, quen xa competiu nos 45kg rematando cuarta.
A proba de Irene dará comezo ás 14:00 horas (15:00 hora local) deste 1 de outubro.
📅MAÑANA ⏰14 HORA ESPAÑOLA🇫🇮 campeonato de Europa Junior pic.twitter.com/uPqYD4TxQu
— Irene Blanco Tarela (@IBlancoPodium) September 30, 2021