Dúas das internacionais deportivistas, Noelia Bermúdez e Stephannie Blanco, concéntranse esta semana coa súa selección. As futbolistas deportivistas, estarán co combinado costarricense até o 24 de febreiro pero non perderán partidos do Dépor ABANCA ao haber parón na Liga Iberdrola.
Neses días, o combinado tico, con Noelia Bermúdez e Stephannie Blanco nas súas ringleiras, disputará dous partidos amigables ante México en Cidade de México (pendente de confirmación).
A seguinte cita para o Dépor ABANCA que adestra o técnico coruñés Manu Sánchez será o domingo 28 de febreiro ante o Rayo Vallecano que visitará en Vallecas. Trátase dun partido aprazado que corresponde á sétima xornada da Liga Iberdrola.
