O atletismo galego nas especialidades de lanzamento —disco, martelo e xavelina— e no pentatlon e volveu a ter cita o pasado fin de semana. A cidade de Pontevedra acolleu o pasado sábado —8 de febreiro— o Campionato de Galicia de Pentatlon de Lanzamentos máster. O domingo, en Vilagarcía de Arousa celebrouse o Campionato de Galicia de Inverno de Lanzamentos longos Sub 16 e Sub 18.
Blanca Pereira, a sub 16, en Vilagarcía, melloraba o seu rexistro no martelo en casi tres metros establecendo un 45.82 metros que a fan liderar o ránking nacional da especialidade.
Marta Neira, a Sub 18, do AVA en martelo fixo un 53.35 metros. Destaca tamén o primeiro lanzamento en xavelina acadando os 40.80 metros de María Pena, na mesma categoría, de o club A Silva. Como tamén os 34.94 metros no concurso de disco da atleta do RIA Ferrol, Sub 16, Laura Rico, quen tamén gañaría o disco cun salientable rexistro de 30.38 metros.
No Pentatlón, María José Fraga da Atlética A Silva na categoría F45 no concurso de martelo pesado lanzaría ata 8.60 metros. Pola súa banda a atleta F40 do Atletismo Narón, Irene Fidalgo González, no mesmo artefacto chegou ata os 7.91 metros, o que representa de igual modo un récord galego na súa categoría.
Na categoría masculina, destacados foron tamén os concursos na Sub 18 de Nicolás Ortega do Coruña Comarca lanzando ata os 45.17 metros no disco ou os 57.56 metros do céltico Eric Mández no martelo. Bran Núñez do A. Morrazo en martelo con 44.31 metros e Daniel Loureiro de A Silva no concurso de xavelina con 43.05 metros tamén destacarían na cita autonómica.
CAMPIÓNS GALEGOS CATEGORÍA Sub 16
- Disco: Laura Rico (RIA Ferrol) con 34.94 e Bran Nuñez do Morrazo 37.29.
- Martelo: Blanca Pereira (Ourense A.) con 45.82 metros e Bran Núñez do Morrazo 44.31.
- Xavelina: Laura Rico (RIA Ferrol) 30.38 e Daniel Loureiro (A Silva) con 43.05.
CAMPIÓNS GALEGOS CATEGORÍA Sub 18
- Disco: Paula Piñon (A.F Celta) con 32.36 e Nicolás Ortega do Coruña Comarca con 45.17.
- Martelo: Marta Neira (AVA) con 53.35 e Eric Méndez (R.C. Celta) con 57.56.
- Xavelina: María Pena (A. Silva) con 40.80 e Daniel Mato (C.A. Santiago) con 46.72.
CAMPIÓNS GALEGOS PENTATLON MÁSTER
- F40: María Teresa Janeiro do Cuntis con 1.831
- F45: Marta Sureda do Lucus Caixa Rural con 2.263 p.
- F60: María de los Ángeles Rodríguez de A Silva con 2.321.
- F65: Emilia Mesa do Ourensa Atletismo con 3.074.
- M35: Noel Vega do A. Narón con 2.781
- M40: Antonio José Martínez do A.V.A. con 1.891
- M45: Carlos Alberto Almudi do Durango Kirol con 3.135
- M50: José Manuel Núñez de A Silva con 2.106
- M55: Xulio Ventín da Gimnástica de Pontevdra con 3.387
- M60: Carlos Ferrer do A. Narón con 3.361
- M70: Manuel Rodríguez do R.C. Celta con 2.627.
- M75: José Manuel Almudí do ADAS Proinor con 2.518.
