O Durán Maquinaria Ensino xa está a preparar o seu plantel para a tempada 2022/2023. A súa última fichaxe chega con acento galego. Trátase da escolta Blanca Millán, quen despois de formarse na competición universitaria norteamericana e pasar unha tempada no SPAR Gran Canaria, pasará a formar parte do plantel lucense.
“Os meus vínculos familiares fanme lucense de corazón e faime especial ilusión estar nesta cidade. Desexo atoparme coas miña compañeiras para dalo todo na pista e chegar moi lonxe. Vémonos moi pronto”, declarou a xogadora.
Súper contenta e ilusionada de poder volver a casa y representar Galicia en una de las mejores ligas. Con muchas ganas de empezar y hacer algo grande. #VamosEnsino❤️ https://t.co/nH2wegUEQo
— BLANCA MILLÁN MODIA (@Bmillan11) May 24, 2022
Despois de dar os seus primeiros pasos co balón no Peleteiro, Millán marchou aos Estados Unidos, onde fichou pola Universidade de Maine para xogar coas Black Bears durante cinco anos. Ao longo da súa etapa norteamericana, a galega foi candidata aos Senior CLASS Awards, quedando dentro do First Team All-American da tempada, o quinteto ideal.
Máis adiante foi proclamada a mellor xogadora internacional do 2021 na competición. O seu gran palmarés serviulle para coñecer a WNBA, xa que malia non ser drafteada, puido formar parte dun campus de adestramento no Washington Mystics.
Esta é a segunda fichaxe galega do Ensino para a 22/23. A internacional Paula Ginzo estará tamén no vestiario de Lugo. No apartado de saídas, non continuarán Chatrice White, Alessandra Orsili, Nat Van den Adel nin Helena Oma.
