O soño de Blanca Millán de competir na WNBA segue sendo posible. Malia non ser elixida no draft, a compostelá ten posibilidades de competir na máxima categoría do baloncesto estadounidense e unha das mellores ligas do mundo. O Washington Mystics, gañador no 2019, ofreceulle un contrato para participar no seu training camp previo á competición. Desde este mesmo luns 19, a galega entrará nas filas do seu novo equipo.
Despois de cinco espectaculares anos defendendo a camiseta das Black Bears da University of Maine, onde se formou académicamente, Millán segue dando pasos para convertirse nunha estrela do baloncesto. A compostelá é a terceira xogadora de Maine en ter unha oportunidade de competir na WNBA, despois de Blodgett, que foi a Cleveland, e Cassidy, en Miami. Despois da súa etapa coas Black Bears, a galega quedou quinta no ranking histórico de máximas anotadoras do equipo, con 1.974 puntos.
Os recoñecementos de Blanca Millán
A pesar de non ser unha das elixidas do draft, como si foi a ourensá Raquel Carrera, Blanca Millán ten méritos deportivos de sobra para ser unha firme candidata á WNBA. A compostelá foi a primeira xogadora da costa este en gañar o premio á mellor xogadora e defensa do ano dúas veces, Ademais, foi nomeada a mellor xogadora estranxeira do ano na NCAA e foi finalista no Beck Hammon Mid-Major Player do ano 2021.
A nivel nacional, foi a 15ª en media anotadora, con 21,4 puntos por partido e quedou na mesma posición en roubos, con 2,90 por encontro. Nesta tempada foi elixida por terceira vez consecutiva como parte do America East All-Defensive Team.
Ao coñecer a noticia, a súa adestradora Amy Vachon declarou que “non podemos estar máis orgullosos e emocionados por Blanca. Traballou moi duro por esta oportunidade. É unha das melloras xogadoras que pasaron por UMaine e é a terceira Black Bear en ter a oportunidade de competir na WNBA. Estamos moi emocionados e seguiremos a súa carreira animándoa! Blanca sempre puxo o listón alto e estamos ilusionados por vela perseguir os seus soños”. Xunto a esta mensaxe, a adestradora publicou unha publicación de ánimo á galega en Twitter.
I’ve heard it many times-if you want to play at the highest level-Maine isn’t the place…Well, this kid is getting her shot AT THE HIGHEST LEVEL…in the WNBA.
Guess what folks… you can do it ALL at Maine…
Go get ‘em @Bmillan11 …. we are so proud of you!!! 💙🐻🐾🏀 https://t.co/hnGhZReKK5
— Amy Vachon (@coachamyvachon) April 18, 2021
a
