Confírmanse os peores prognósticos para Blanca Millán. A xogadora do Durán Maquinaria Ensino será baixa para o que resta de tempada. A deportista lesionábase no último partido do conxunto lucense disputado diante do Spar Gran Canaria.
Logo de sometela a diferentes probas diagnósticas o parte médido de Blanca Millán feito público polo club galego confirma que a deportista sofre unha grave lesión. Desde a entidade deportiva lucense informan de que rompeu o ligamento cruzado anterior e o menisco interior do seu xeonllo esquerdo.
Desde o Durán Maquinaria Ensino explicaban nun comunicado que Millán “estaba a ser unha das mellores xogadoras da LF Endesa esta tempada e estamos seguros de que volverá para continuar sendo unha referencia do baloncesto nacional”.
Gracias a tod@s por el constante apoyo y todos los mensajes recibidos durante estos días. Empieza la cuenta atrás para volver ⏳
Mientras tanto, seguiré aportando todo lo que pueda al equipo para que sigamos creciendo juntas. #VamosEnsino pic.twitter.com/P1NGJ6XWg3— BLANCA MILLÁN MODIA (@Bmillan11) December 15, 2022
Non haberá fichaxe para substituír a Blanca Millán
Desde o club descártase tamén “unha incorporación para suplir esta importante e dolorosa ausencia, conscientes da importancia de Blanca Millán equipo, mostrando a súa total confianza no bloque de xogadoras e o corpo técnico actual”.
