A xogadora galega Blanca Millán, que na presente tempada volveu a España para xogar co SPAR Gran Canaria, foi unha das pezas claves da vitoria das canarias fronte ás lucenses do Durán Maquinaria Ensino na 20ª xornada.
A santiaguesa sumou 17 puntos cun pleno nos tiros libres, dous rebotes, unha asistencia, sete recuperacións e un tapón no duelo. Con 23 puntos de valoración, foi elixida como a mellor escolta da xornada e entrar no quinteto ideal da LF Endesa.
Millán compartiu o top cinco coa súa compañeira de equipo Sika Koné, elixida MVP por oitava vez. A galega foi a segunda con mellor valoración, só por detrás da pivote.
