- O secretario xeral e a delegada en Vigo mantiveron nestes días pasados un encontro con Blanca Fidalgo, nadadora do CGTD e do Náutico de Vigo que vén de ser preseleccionada pola Selección Española infantil para a Copa do Mundo de natación artística
O secretario xeral para o Deporte, José Ramón Lete Lasa, e a delegada territorial da Xunta en Vigo, Marta Fernández Tapias, mantiveron unha reunión coa deportista de natación artística do Real Club Náutico de Vigo, Blanca Fidalgo, que vén de ser preseleccionada pola Selección Española infantil.
Blanca Fidalgo recibiu a chamada da Selección Española infantil para unha concentración que terá lugar do 4 ao 8 de abril en Buitrago de Lozoya (Madrid). Nesta xuntanza vaise preparar a Copa do Mundo xunto á tamén galega Daniela Suárez (Galaico Sincro). No equipo técnico tamén está convocada a adestradora do CGTD, Sandra Montes.
Blanca Fidalgo, que actualmente é bolseira do Centro Galego de Tecnificación Deportiva (DGTD), é a primeira nadadora do Náutico de Vigo que acada tanto a clasificación para a proba de selección como en entrar na lista. Tanto o secretario xeral como a delegada, auguraron a Fidalgo “unha carreira chea de éxitos” e valoraron a súa “gran disciplina e calidade a pesares da súa curta idade”.