O CB Arxil deixa de contar con Bineta Ndoye para o que resta de tempada. A 30 verde rescinde o seu contrato co club pontevedrés de mutuo acordo coa directiva.
A senegalesa, que chegou esta tempada ao conxunto galego procedente do Unicaja, comezou a súa carreira deportiva hai case dez anos no CB Islas Canarias. Tras catro cursos coas canarias, pasou polos bancos de CDB Clarinos de La Laguna, Club Polideportivo Bembibre e CB Almería, xogando coa maioría deles na LF2 de baloncesto.
Bineta Ndoye leva unha media de 5,13 puntos por partido, despois de ter xogado en 15 dos 16 partidos disputados esta tempada, nos que competiu unha media de 19,10 minutos por encontro.
A baloncestista seguirá xogando na mesma categoría, pero no grupo B, co CAB Estepona, actual quinto clasificado, con 22 puntos, a catro do líder, o Laboratorios Ynsadiet Leganés.
🚨📢 A directiva do CB Arxil de mutuo acordo con @BinetaNdoye1 rescindirá o contrato que a ligaba esta tempada co equipo de Liga Feminina 2.
O clube quere desexarlle a mellor das sortes no sue futuro.
🔉 Muchas gracias por todo y mucha suerte Bine pic.twitter.com/SMa01dTdKS
— CB Arxil (@ArxilCb) January 19, 2021
