Ou todo ou nada. Sete equipos xa están clasificados. Só queda un billete para a copa. O Durán Maquinaria Ensino intentará conseguilo. Este fin de semana (sábado 21 de decembro ás 19.00 horas) viaxa ata León. O último partido da primera volta da Liga Endesa. Seu rival, o pechacancelas, Embutidos Pajariel Bembibre.
Empatados a vitorias e derrotas (5 gañados e 7 perdidos) co Nissan Al-Qázeres Extremadura, o Ensino buscará por estar na copa. “Un paso máis desde que están na Primeira División. O ano pasado quedáronse ás portas pero se o consegue é un paso máis”, dixo o adestrador das lucenses, Carlos Cantero, en rolda de prensa. Ademáis añadiu que aínda que estén cerca fáltalles o derraideiro empurrón.
Na xornada anterior, o Pazo ruxiu coas súas xogadoras. Fixeron un espectacular encontro ante o Ciudad de La Laguna. A pesar de comezar moi igualadas, gañaron de doce na súa casa (64-52).
En canto o rival desta semana, o Bembibre, é o último da Liga Endesa. Suman tan só dúas vitorias dos doce partidos disputados. Levan unha racha de tres perdidos. Sobre o tema, Cantero apuntou: “Xogando en casa é un equipo moi sólido e con bos resultados. Incluso fóra plantou cara a os que están máis enriba. Ademáis toda a plantilla traballa en equipo”. Referíndose o último ó Ciudad de La Laguna. Un conxunto de Tenerife no que predominan as individualidades dalgunhas das xogadoras destacadas.
O adestrador tamén deixou claro que é o Embutidos Pajariel pode facerlles dano: “Teñen unha defensa moi estructurada e moi ben colocada”. Tamén saben que son un plantel moi peleón. Desde un principio iban a estar por baixo. Ademáis adestran moi duro e en casa son perigosos.
O Ensino viaxará con todas as súas xogadoras. Veremos o que sucede en León antes do parón de Nadal. Esperemos que as lucenses consigan o boleto e estén en marzo en Salamanca.
FICHA
EMBUTIDOS PAJARIEL BEMBIBRE: Ijeoma Obiamaka, Inja Butina, Clara Cáceres, Istaso Conde, María Gascón, Victoria Llorente, Heleen Nauwelaers, Alejandra Quirante e Brooke Wylie.
DURÁN MAQUINARIA ENSINO: Breedlove, Kalis Loyd, Ainhoa López, Aleksandra Stanacev, Laura Aliaga, Britany Miller, Nyingifa, Shereesha Richards, Bea Sánchez e Fiona O’Dwyner.
ÁRBITROS: Andrés Fernández Carretero, Elena Espiau Guarner e Laura Piñeiro Amondaray.
CAMPO: Pavillón Bembibre Arena (Bembibre, León).
