O confinamento, que a crise sanitaria do COVID-19 nos obriga a facer nas nosas casas por todo o territorio español, estanos a descubrir unha chea de artistas que estaban agachadas detrás dun balón. Neste caso falámosvos da iniciativa dun fútbol da provincia da Coruña, o Betanzos CF.
As betanceiras montaron unha peza audiovisual cun playback conxunto sobre a base musical do tema de moda: Resistiré e subírona á súa canle de YouTube. Optaron non pola orixinal do Dúo Dinámico, se non pola versión que veñen de sacar un grupo de coñecidos artistas españois.
Desde os seus fogares as futbolistas deste club coruñés amosan que o ánimo no decae no grupo e que lonxe de afastalas, neste confinamento semella que sabe traballar en equipo. Batería, baixo, teclado, guitarra, flauta, saxofón, e por suposto, micrófonos, son algúns dos elementos que as xogadoras empregan na súa posta en escena.
Habitacións, pasillos ou xardíns forman parte das localizacións que se poden ver no vídeo do Betanzos CF. Este o club conta con formacións femininas militando, por exemplo, en Primeira Autonomía e tamén en Segunda Autonómica Grupo II.
Betanzos, tan cerca
Para o peche do vídeo as futbolistas elixiron unha chiscadela ao lema que o Concello de Betanzos está a empregar neste tempo de confinamento: “Manteñámonos lonxe para axiña estar tan cerca” é o texto que se pode ver ao final do vídeo xunto cos cancelos #NosQuedamosEnCasa e #123Betanzos.
O Concello de Betanzos emprega desde hai anos como eslogan para accións de promoción turística e do comercio local a frase: “Betanzos, tan cerca”. Desde o goberno local da cidade coruñesa se lle deu nestes días un xiro a esa frase e úsase: “As veces hai que estar lonxe, para volver estar tan cerca”. De aí parte a frase de despedida das futbolistas do equipo de fútbol betanceiro.
