Dúas xogadoras do Dépor ABANCA están convocadas pola Selección de Costa Rica. Noelia Bermúdez e Stephannie Blanco foron chamadas polo combinado do seu país para disputar dous amigables ante Guatemala.
Estes encontros enmárcanse dentro das celebracións do Centenario da Federación Costarricense de Fútbol, e ambos terán lugar en Guatemala. O primeiro deles será o domingo, 13 de xuño, ás 11:00 horas (19:00 hora española) no Estadio Nacional, mentres que o segundo disputarase o martes, 15 de xuño, ás 10:00 horas (18:00 horas en España) no Complejo Deportivo Fedefútbol Plycem.
Bermúdez e Blanco prepararán nestes amigables, e co resto de xogadoras do equipo tico, as eliminatorias mundialistas de finais de 2021.
As dúas deportivistas únense a Athenea del Castillo e Eva Dios como futbolistas do Dépor ABANCA citadas polas súas seleccións, a absoluta no caso da dianteira e a sub19 no caso da canteira.
