- Nas semifinais do play off polo título da Liga Guerreras Iberdrola de balonmán o Conservas Orbe Zendal BM Porriño non puido no primeiro partido có Super Amara Bera Bera que toma vantaxe tras resistir a reacción galega. Na outra semifinal, o Rocasa Gran Canaria asalta Málaga, e apértase a loita pola permanencia na Liga Guerreiras Iberdrola.
Os primeiros compases do encontros deixaron claro que ía ser un partido de porteiras. Lucía Prades, por Super Amara Bera Bera, e Isabela Ferrarin, pola banda do Conservas Orbe Zendal BM Porriño, xunto coas boas defensas, aparecían para evitar que os goles abundasen no marcador. Sen ir máis lonxe, 1-1 tras cinco minutos. Desde aí, desapareceu o equipo galego, e as donostiarras puideron desfrutar, por primeira vez no partido, dun +3 co 1-4 (min. 8). Nin tras tempo morto de Ismael Martínez cambiaba a inercia das locais, que chegaban ao ecuador do primeiro acto co marcador 4-8.
Porriño ía collendo ritmo en partido, pero tamén Super Amara Bera Bera. As donostiarras comezaban a chegar ás súas mellores cotas de xogo, instaladas nos cinco goles de diferenza, e obrigaba a ir a remolque ás galegas, que atopaba en Conservas Orbe Zendal BM Porriño á súa máxima artilleira aproveitando os lanzamentos de sete metros. O descanso chegou ao Pavillón Municipal de Porriño con renda favorable ás pupilas de Imanol Álvarez co 11-16.
Conservas Orbe Zendal BM Porriño volveu ao partido con maior agresividade, polo menos na faceta ofensiva. As galegas atopaban agora máis vías de anotación, e só Maitane Etxeberria era capaz de descifrar o armazón defensivo proposto polo técnico galego Ismael Martínez.
No entanto, valíanlle un par de fogonazos a Super Amara Bera Bera para seguir gobernando o marcador co 20-23 no ecuador da segunda metade, segundo conta na súa crónica a RFEBM.
O Bera Bera ve como o BM Porriño faille fronte
Conservas Orbe Zendal BM Porriño atopara a forma de competir de ti a ti co actual campión da Liga Guerreiras Iberdrola, pero empezaba a xogar contra o tempo. Aproveitando as exclusións de Super Amara Bera Bera , as galegas ameazaban de forma constante coa remontada, aínda que non daban ese golpe de efecto.
E mentres, Elba Álvarez seguía liderando ao seu equipo. Nin os 14 goles de Viki Zsembery bastaron para lograr a vitoria, e as donostiarras leváronse unha boa renda da ida co 28-32.
FICHA TÉCNICA
28) CONSERVAS ORBE ZENDAL BM PORRIÑO: Adriana Mallo (4), Ekaterina Zhukova (5), Caro Bono, Juliana Santos, Alicia Campo, Iria Benaches, Julia Pestana, Victoria Zsembery (14), Bruna Días (3), Aroa Fernández, Adriana Rial (2), Isis Moreno, Carmen Prelchi (1), Uzagi Manterola (1), Isabela Ferrarin e Ana Belen Palomino
32) SUPER AMARA BERA BERA: Elba Alvarez (8), Eszter Ogonovsy (3), Laura Hernández (2), Lisanne Kruijswijk (1), Maitane Echevarría (5), Elke Karsten (4), Elena Amores (2), Anne Erauskin (2), Micaela Rodrigues (2), Guliana Gavilan (2), Carmen Arroyo (1), Haizea Urretabizcaya, Elene Fresco,Nicole Wiggins e Lucia Prades.
MARCADOR CADA 5 MINUTOS: 0-1, 1-4, 4-8, 6-9, 7-13, 11-16 (DESCANSO) 15-18, 18-21, 20-23, 23-26, 24-29 e 28-32 (FINAL).
EQUIPO ARBITRAL: A parella arbitral estaba formada por Raul Oyarzun Aylagas e Aritz Zaragueta Ruiz da federación territorial de Navarra. Excluíron por parte del Conservas Orbe Zendal Bm Porriño a Carmen Prelchi. Por parte del SuperAmara Bera Bera excluíron a Eszter Ogonovsy, Elke Karsten, Micaela Rodrigues, Guliana Gavilan e tamén a Carmen Arroyo (2 exclusiones)
INCIDENCIAS: Partido correspondente ás semifinais do play off polo título da Liga Guerreras Iberdrola de balonmán.
