Fin de semana con intensa actividade para a Federación Galega de Taekwondo. Tres días intensos, nos que as nosas e os nosos deportistas da categoría cadete e júnior competirán na Copa de España, mentres que as e os da categoría sénior disputará o Open de España (G-1).
Ambos eventos celebraranse na localidade de Benidorm. A Federación Galega de Taekwondo despraza a máis de 130 persoas, entre técnicos/as, deportistas e árbitros/as. Todos os integrantes da selección galega pasaron un test de antíxenos antes de saír de Galicia e outro na súa chegada.
As/os cadetes, que foron as/os primeira/os en chegar a Benidorm e realizar a pesada, serán tamén as/os primeiros en participar. Logo chega a queda da categoría cadete e o sábado, será a da categoría júnior.
Este ano, a competición destas categorías non forman parte do Open de España, xa que a Federación Internacional decidiu que no Open só se celebraría a competición sénior, polo que se creou a Copa para que os e as deportistas destas categorías poidan participar. Esta proba é puntuable para o ránking nacional, segundo informa a Federación Galega de Taekwondo.
Open de España Absoluto de Taekwondo, tamén en Benidorm
O domingo 18 de abril celebrarase o Open de España absoluto en Benidorm, proba da categoría G-1 e polo tanto puntuable para o ránking mundial, así que outra importante pedra de toque para as e os nosos deportistas nesta volta a actividade despois de tantos meses de parón pola pandemia da COVID-19.
